ၶၢဝ်းသွၼ်းၼမ်ႉ မိူဝ်ႈလိူၼ် 5 လိူၼ် 6 ၼႆႉ ပဵၼ်ၾိင်ႈၸၢဝ်းပုတ်ႉထ(ၵူၼ်းၸိူဝ်းၼပ်ႉယမ်သႃသၼႃပုတ်ႉ ထႁဝ်းၵူႊတီႈ) ၾၢႆႇၼိၵၢယ်ထေႇရဝႃႇတ(ႁိၼယၢၼ်း) 4 မိူင်း ဢမ်ႇပႃးမိူင်းသရီလင်းၵႃ။ ၾၢႆႇၼိၵၢယ်ဢႃႇၸရိယ ဝႃႇတ(မႁႃႇယၢၼ်း) ၸိူင်ႉမိူင်းၶႄႇ မိူင်းၵဝ်ႊလီ မိူင်းၵျပႅၼ်ႊ လႄႈမိူင်းတိပႅတ်ႉၶဝ်တႄႉ ၶဝ်ၸဝ်ႈဢမ်ႇမီးၾိင်ႈၶၢဝ်း သွၼ်းၼမ်ႉၼႆႉ။ ၶၢဝ်းသွၼ်းၼမ်ႉၼႆႉ ဢဝ်ပိုၼ်းသူပ်းပၢၵ်ႇဝႃႈ မိူဝ်ႈဢွၼ်တၢင်းပဵၼ်ၾိင်ႈၸၢဝ်းၵလႃးမိူင်းၽႃႇရတ(မိူင်း ဢိၼ်ႊတိယိူဝ်ႊ)၊ ဝၢႆးမႃး...

ၼိုင်ႈပီ တီႈဢေႇသုတ်း တေလႆႈထူပ်းပီမႂ်ႇတႆး၊ ယဝ်ႉပီမႂ်ႇလုမ်ႈၾႃႉ၊ ပီမႂ်ႇၶႄႇလႄႈ ပီမႂ်ႇသွၼ်းၼမ်ႉ ပၼ်ႇပဵၼ်သင်ၶႃရယူႇ ၸိူင်ႉၼႆဢမ်ႇယဝ်ႉဢမ်ႇတူဝ်ႈ။ ပီမႂ်ႇသွၼ်းၼမ်ႉ ပဵၼ်ၾိင်ႈထုင်းႁိၼ်ႊတူႊၶွင်ၸၢဝ်းၵလႃး မိူင်းၸမ်းပူးတီးပ (ဢိၼ်းတယိူဝ်း) ၸိူဝ်းၼပ်ႉယမ်ၶုၼ်သၢင်ပြမ်ႇမႃႇၶဝ်ဢွၼ်တၢင်း။ ဝၢႆးမႃးၸင်ႇလႆႈၽႄႈလႆၶဝ်ႈမႃးၼႂ်းမိူင်းၾင်ႇတၢင်းဢွၵ်ႇမႄႈၼမ်ႉပၢင်ႇလၢႆႇ တိတ်းမႃးၸွမ်းၵူၼ်းၵႃႉၵူၼ်းၶၢႆလႄႈ ပုတ်ႉထသႃသၼႃး။ ယဝ်ႉဢဝ်ယဵၼ်းမႃးပဵၼ်ၾိင်ႈထုင်းၸၢဝ်းၶိူဝ်း ဢၼ်ၼပ်ႉၼမ်ပုတ်ႉ သႃသၼႃၶဝ် ဢဝ်ၸဵမ်ထႆး လၢဝ်း ၶမဵၼ် မၢၼ်ႈတင်းတႆးလႄႈ လင်းၵႃ...