ၽွင်းၶူဝ်ႊဝိတ်ႉ 19 ပေႃးဢမ်ႇမီး ပၢင်လိူၵ်ႈတင်ႈ တေပဵၼ်မႃးငဝ်းလၢႆးၸိူင်ႉႁိုဝ်

မႂ်ႇသုင် ၵူႈၵေႃႉ ၵူႈၵူၼ်းၶႃႈ ၽွင်းယၢမ်းဢၼ် မႅင်းတၢင်းပဵၼ်ၶူဝ်ႊဝိတ်ႉ - 19 လိူင်ႇၽႄႈသေယဝ်ႉ ၵူၼ်းမိူင်းၵေႃႈ ပဵၼ်လွင်ႈတုၵ်ႉၶ ယၢပ်ႇၽိုတ်ႇၸွမ်းမၼ်းယူႇၼႆႉ ယူႇတီႈလူင်ပွင်ၸိုင်ႈမိူင်းႁူမ်ႈတုမ်သမ်ႉ ႁွင်ႉႁဵတ်းပၢင်ၵုမ်တႅၼ်းၽွင်း ဢၼ်ဝႃႈပၢင်ၵုမ်သၽႃးမိူင်းႁူမ်ႈတုမ်ယဝ်ႉၼႆလႄႈ ၸိူဝ်းသူၼ်ၸႂ်ၵေႃႈ ဢွၼ်ၵၼ်သူၼ်ၸႂ်ၵၼ်တင်းၼမ်။ ပၢင်ၵုမ်ၵမ်းၼႆႉသမ်ႉ ငဝ်းလၢႆးၼႂ်းၵႄႈပဵၼ်တၢင်းယၢပ်ႇၽိုတ်ႇလူင်ၸိူင်ႉၼႆၼႆႉ သမ်ႉတေလႆႈမီးလွင်ႈတေႃႇလွင်းတင်းၼမ် သေ ႁဵတ်းသင်လႄႈ သမ်ႉႁွင်ႉႁဵတ်းပၢင်ၵုမ်လႃႇ။ လၢႆးႁွင်ႉမၼ်းၵေႃႈ သမ်ႉဢမ်ႇလၢၵ်ႇလၢႆးသင်။ ဝၼ်းတီႈ...