ၽြႃးလူင်ရၶႅင်ႇ

မိူဝ်ႈဝၼ်းတီႈ 19 လိူၼ်မၢတ်ႊၶျ် ၼႂ်းပီ 2018 ၼႆႉ ၶႃႈႁဝ်းၽူႈတႅမ်ႈလိၵ်ႈလႆႈၵႂႃႇၶဝ်ႈႁူမ်ႈပၢင်ၼႃးမုၼ်လီ တီႈဝဵင်းၸဵင်းတုင်။ ပၢင်ၼႃးမုၼ်လီၼႆႉ ပဵၼ်ပၢင်ၼႃးမုၼ်လူႇတၢၼ်းယၢတ်ႇၼမ်ႉ ၽႃႈၵင်ႈမၢၼ်ႇၵႅဝ်ႈသွၵ်ႇၼႃႈ ႁုၼ်ႇႁၢင်ႈပုတ်ႉထၽြႃးၸဝ်ႈမႁႃမုၼိ တီႈၵၢင်ၸႂ်ဝဵင်းၸဵင်းတုင်၊ ၼႂ်းမိူင်းတႆးပွတ်းဝၼ်းဢွၵ်ႇ၊ ဢၼ်ပဵၼ်တီႈၵူၼ်းဝၢၼ်ႈၵူၼ်းမိူင်း ၼႂ်းၸႄႈတွၼ်ႈၸဵင်းတုင်ပတ်းပိုၼ်ႉ ဢိၵ်ႇတင်းၼွၵ်ႈၸႄႈတွၼ်ႈ ၸိူဝ်းၼပ်ႉယမ်ၾိင်ႈပုတ်ႉထၶဝ် ယုမ်ႇယမ်ၼပ်ႉထိုဝ်ၼၼ်ႉတီႈၼိုင်ႈ ၼႂ်းၵႃႈၼႂ်းမိူင်းတႆးႁဝ်းလၢႆလၢႆတီႈ။ ၵႂႃႇႁူမ်ႈပၢင်ၼႃးမုၼ်တီႈၸဵင်းတုင်ၵမ်းၼႆႉ ၵွပ်ႈၸဝ်ႈၸူဝ်းမိူင်း ၽူႈၵွၼ်းလုမ်းၵပ်းသၢၼ်ၸုမ်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး...