ၼႂ်းလုမ်ႈၾႃႉၼႆႉ ၵူၼ်းမိူင်းၼိုင်ႈလႄႈမိူင်းၼိုင်ႈ ၶိူဝ်းၼိုင်ႈလႄႈၶိူဝ်းၼိုင်ႈ တိုၼ်းလွင်ႈပႅၵ်ႇပိူင်ႈၵၼ် ။ ၵူၼ်း ၵေႃႉၼိုင်ႈ လႄႈၵေႃႉၼိုင်ႈၼႆႉ ၸႂ်ၵေႃႈဢမ်ႇမိူၼ်ၵၼ် တၢင်းႁၼ်ထိုင်ၵေႃႈဢမ်ႇမိူၼ်ၵၼ် ပၢႆးဝူၼ်ႉၵေႃႈဢမ်ႇမိူၼ် ၵၼ်။ ၵွပ်ႈၼႆ လႄႈ မိူင်းၶူင်းၵၢင်လူင်ၼႆႉ မီးပၼ်ႁႃယူႇတိၵ်းတိၵ်း ဢမ်ႇၵတ်းဢမ်ႇယဵၼ်လႆႈသေပွၵ်ႈ။ ပေႃးၼပ်ႉသွၼ်ႇပႃး လွင်ႈ လၢၵ်ႇလၢႆ ၸၢႆးယိင်းၼႂ်းဝၼ်းမိူဝ်ႈၼႆႉၸိုင် ယိင်ႈၶႅၼ်းပဵၼ်တီႈထဵင်ၵၼ် ဝႃႈၵၼ်။ ပဵၼ်ႁိုဝ်ၵေႃႈယဝ်ႉ...

ၼႂ်းၸုပ်ႈသႅၼ်း ၸူဝ်ႈပၢၼ်ႁဝ်းႁႃးၼႆႉ ဢဵၼ်းဢၢၼ်းယိူင်းမၢႆ ၵၢၼ်ပၢႆးမိူင်း တႃႇၸိူဝ်ႉၸၢတ်ႈႁဝ်းသုင်သုတ်းၼၼ်ႉ ႁဝ်းတေၸၢင်ႈႁဵတ်းလႆႈ ႁႂ်ႈမိူင်းႁူမ်ႈတုမ်မိူင်းမၢၼ်ႈ ယၢမ်းလဵဝ် ပဵၼ်မႃးမိူင်းႁူမ်ႈတုမ်ၸႅတ်ႈၸၢင်ႇ Pure Federal Union (ဢၼ်မီးသုၼ်ႇလႆႈ တီႊမူဝ်ႊၶရေႊသီႊ Democracy ၊ သုၼ်ႇလႆႈၵူၼ်း Human Rights ၊ လွင်ႈၽဵင်ႇပဵင်း Equality ၊ လွင်ႈၸွမ်းတြႃးၽႃႇၵၢင်ဝၢင်းၶိုင်ႈ...