ၽေးလူင် ႁေႊရူဝ်ႊဢိၼ်ႊ (ၽွင်ၶၢဝ်) ပဵၼ်ၸိူင်ႉႁိုဝ်?

ယႃႈမဝ်းၵမ် ဢၼ်မီးၸိုဝ်ႈဝႃႈႁေႊရူဝ်ႊဢိၼ်ႊ (Heroin) ၊ ဢမ်ႇၼၼ် ၽွင်ၶၢဝ်၊ ဢိင်ၼိူဝ်ၶၵ်ႉတွၼ်ႈလၢႆးႁဵတ်း မၼ်းၼမ်သေ ထိုင်တီႈၸပ်းၸိုဝ်ႈႁဵၵ်ႈဝႃႈ မၢႆ-4 ၼႆၼၼ်ႉ ပဵၼ်ၽေးႁၢႆႉလူင် တေႃႇတူဝ်ၶိင်းၵူၼ်းႁဝ်း တႄႉတႄႉ။ မၼ်းႁဵတ်းႁႂ်ႈၽူႈၸႂ်ႉတိုဝ်း/သူႇ/သမ်း/ၵိၼ်ၶဝ် မီးတၢင်းမူၼ်ႈသိူဝ်းသေတႃႉ ၾၢႆႇၼိုင်ႈၵေႃႈ ပၼ်တၢင်းတုၵ်ႉၶလူင် ထိုင်တီႈၸၢင်ႈလူႉသုမ်းၸီႇဝိတ်ႉတသၢႆၸႂ်ၵွပ်ႈမၼ်း။ ပိူင်ၾၢင်ႁၢင်ႈႁေႊရူဝ်ႊဢိၼ်ႊ ၽွင်ၶၢဝ်။ ႁေႊရူဝ်ႊဢိၼ်ႊ ႁိုဝ် ၽွင်ၶၢဝ်ၼႆႉ မီးၾၢင်ႁၢင်ႈပဵၼ်ၽွင်သီၶၢဝ်၊ မီးသီၶၢဝ်တေႃႇထိုင်သီၶွၼ်ႇ...