ၼပၢၼ်းၵျီး

သိုၵ်းမၢၼ်ႈ တီႉၺွပ်းၵူၼ်းဝၢၼ်ႈ ၼပၢၼ်းၵျီးဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်းသေ ယွၼ်းငိုၼ်းတီႈပေႃႈမႄႈပီႈၼွင်ႉၵူၼ်းႁိူၼ်းႁႂ်ႈမႃးထုတ်ႇဢဝ်ၶိုၼ်း ၵႃႈယႂ်ႇၵႃႈလူင်။ ၼၢင်းယိင်းၵူၼ်းဝၢၼ်ႈၼပၢၼ်းၵျီး ၵေႃႉၼိုင်ႈလၢတ်ႈဝႃႈ - “သိုၵ်းမၢၼ်ႈၼႆႉ ၶဝ်တူၺ်းဝႃႈၽႂ်မီးငိုၼ်းၼႆသေ တီႉၺွပ်းလုၵ်ႈလၢၼ်ၶဝ်ၵႂႃႇဝႆႉတီႈႁူင်းပလိၵ်ႈ တီႈယႂႃႇငၢၼ်ႇ။ ပေႃးယဝ်ႉႁႂ်ႈဢဝ်ငိုၼ်းမႃးထုတ်ႇဢဝ်ၶိုၼ်း ၵႃႈယႂ်ႇၵႃႈပႅင်း ။   ၼႄးဝႃႈပီႈဢၢႆႈပိုတ်ႇလၢၼ်ႉမႄးရူတ်ႉၶိူင်ႈဝႆႉၵေႃႉၼိုင်ႈ ၵမ်ႉၸွႆႈငိုၼ်းတွင်းတီႈ သိုၵ်း PDF ၶဝ်ၼႆသေတီႉၵႂႃႇ။ ၸႂ်ႉၵူၼ်းႁိူၼ်းမႃးထုတ်ႇဢဝ်ၶိုၼ်း 80 သႅၼ်ပျႃး။ ”-...

သိုၵ်းမၢၼ်ႈဝႃႈ တၢင်းဝၢၼ်ႈၼပၢၼ်းၵျီး ဝဵင်းယႂႃႇငၢၼ်ႇ မီးသိုၵ်းၵူၼ်းၼုမ်ႇ PDF ၼႆသေ မိူဝ်ႈၼႆႉ 22/4/2022 ၵၢင်ၼႂ်ၸဝ်ႉ ယိုဝ်းၵွင်ႈလူင် ဢမ်ႇထၢတ်ႇ ။ သိုၵ်းမၢၼ်ႈထႅမ်ႁႅင်းသိုၵ်းၶိုၼ်ႈမႃးဢဝ်တီႈယူႇဝႆႉတီႈ ၵွင်းၽြႃးမုင်ႈယဵမ်ႈ (သိဝ်ႉၶိၼ်းတႃႇ) သေ ယိုဝ်းၵွင်ႈလူင် ၵႂႃႇတၢင်းတူၵ်းဝၢၼ်ႈ ၼပၢၼ်းၵျီး တင်ႈတႄႇၵၢင်ၼႂ် 7 မူင်းတေႃႇထိုင်ၵၢင်ဝၼ်းတဵင်ႈ။  “ၶဝ်မႃးယူႇၼိူဝ်ၵွင်းလွႆၽြႃးသေလၢမ်းလိမ်းယိုဝ်းၵွင်ႈလူင်ၵႂႃႇၵူႈတၢင်းဢေႃႈ ။ သဵင်လူင်မၼ်းလင်ဝႃႈလင်ၶႃႈ။ လိၼ်မိူင်းပေႃးသၼ်ႇဢေႃႈ။...