ၸၢဝ်းၶိူဝ်းၼႂ်းမိူင်းႁူမ်ႈတုမ် တၵ်းလႆႈသွၼ်လိၵ်ႈတူဝ်ၸဝ်ႈၵဝ်ႇ ၼႂ်းႁူင်းႁဵၼ်းလူင်ပွင်ၸိုင်ႈ

မိူဝ်ႈလဵဝ်မိူင်းမၢၼ်ႈယိူင်းဢၢၼ်းပူၵ်းပွင်ဝၢၼ်ႈမိူင်း ႁႂ်ႈပဵၼ်မႃးမိူင်းၻီႊမူဝ်ႊၶရေႊသီႊ ၼႆသေၵူၼ်းမိူင်းမၢၼ်ႈ ဢွၼ်ၵၼ်တုၵ်းယွၼ်းလူင်ပွင်ၸိုင်ႈယၢမ်းလဵဝ် ႁႂ်ႈၵႄႈလိတ်ႈပၼ်ႁႃဢၼ်ပႆႇယဝ်ႉတူဝ်ႈၸိူဝ်းၼၼ်ႉ ၼႆယဝ်ႉ။ ပၼ်ႁႃဢၼ်ၼိုင်ႈဢၼ်တိုၵ်ႉမီးလွင်ႈထဵင်ၵၼ်ယူႇ ဢၼ်ပႆႇၸၢင်ႈႁႃတၢင်းဢွၵ်ႇလႆႈၼၼ်ႉ ပဵၼ်ပၼ်ႁႃလွင်ႈဢဝ်ၽႃသႃၵႂၢမ်းလၢတ်ႈၶိူဝ်းၵူၼ်းၸုမ်းဢွၼ်ႇ သွၼ်ၼႂ်းႁူင်းႁဵၼ်းလူင်ပွင်ၸိုင်ႈၼၼ်ႉယဝ်ႉ။ ယွၼ်ႉပိူဝ်ႈယိူင်းဢၢၼ်းဢဝ်ၸိူဝ်ႉၶိူဝ်းမၢၼ်ႈ တႃႇဢူမ်ဢိုၼ်တၢင်ႇၸၢဝ်းၶိူဝ်းၼႂ်းမိူင်းမၢၼ်ႈသေ တင်ႈတႄႇၼေႇဝိၼ်းယိုတ်းဢမ်းၼၢတ်ႈဝၢၼ်ႈမိူင်း တေႃႇထိုင်ယၢမ်းလဵဝ် ၼႂ်းႁူင်းႁဵၼ်းလူင်ပွင်ၸိုင်ႈၼၼ်ႉ တဵၵ်းႁႂ်ႈသွၼ်ၽႃသႃလိၵ်ႈမၢၼ်ႈဢၼ်လဵဝ်ၵူၺ်းယဝ်ႉ၊ ၽႃသႃၵႂၢမ်းလၢတ်ႈတၢင်ႇၸၢဝ်းၶိူဝ်း တိုၼ်းဝႃႈဢမ်ႇမီး တိုဝ်းတၢင်း တႃႇတေလႆႈသွၼ်လႆႈႁဵၼ်း ဢမ်ႇဝႃႈတီႈလႂ်၊ သင်ဝႃႈတၢင်ႇၸၢဝ်းၶိူဝ်းသွၼ်/ႁဵၼ်းလိၵ်ႈ တူဝ်ၸဝ်ႈၵဝ်ႇ ၼၼ်ႉတိုၼ်းၺႃးတူတ်ႈတၢမ်ႇၶွၵ်ႈ ဢမ်ႇၼၼ်ထိုင်တီႈလူႉသဵင်ႈသၢႆၸႂ်လူးၵွၼ်ႇယဝ်ႉ။ ၵဵဝ်ႇၵပ်းလွင်ႈၼႆ့သေ...