ၸွမ်သိုၵ်းဢွင်ႇသၢၼ်း တႄႇပၢႆးသူၼ်းတုမ်

မိူဝ်ႈ 9.2.1947 ဝၢႆးသေ ၶွင်ႇသီႇဢွၼ်ႁူဝ်မိူင်းသၼ်လွႆ ႁူမ်ႈတုမ်ၵၼ် ႁဵတ်းပၢင်ၵုမ်ယဝ်ႉ သိပ်းဢဵတ်းမူင်းၶိုင်ႈ ၵၢင်ၼႂ် (11:30 AM) ၼၼ်ႉ ၶိုၼ်းသိုပ်ႇႁဵတ်းပၢင်ၵုမ်လူင်ၵူၼ်းမိူင်းယဝ်ႉ။ မိူဝ်ႈၼၼ်ႉ ၸွမ်သိုၵ်းဢွင်ႇသၢၼ်းဝႃႈ - “ ယွၼ်ႉဝႃႈ ၶႂ်ႈႁႂ်ႈၵူၼ်းမိူင်းသၼ်လွႆလႄႈ ၵူၼ်းမိူင်းမၢၼ်ႈလႆႈၸႂ်ပွင်ႇၸႂ်ၵၼ်သေ ၽွမ်ႉႁူမ်ႈၵၼ်မႃးလႄႈသင်၊ မိူဝ်ႈၵႂႃႇ ၶိုၼ်ႈပၢင်ၵုမ် တီႈလၢၼ်ႇတၢၼ်ႇၼၼ်ႉ လွင်ႈမိူင်းၼိူဝ်သၼ်လွႆၼႆႉ လႆႈၵႂႃႇဢုပ်ႇလၢတ်ႈတုၵ်းယွၼ်းႁဵတ်းသၢင်ႈ...