ၸိူဝ်ႉဝူင်ႈၵေႃႈဝူင်ႈပႅင်း

ၸိူဝ်ႉဝူင်ႈၵေႃႈဝူင်ႈပႅင်း ၸိူဝ်ႉမႅင်းၵေႃႈမႅင်းႁၵ်ႉ ၵူၼ်းၸိူဝ်းၵိူတ်ႇမႃးပဵၼ်တႆးၵူႈၵေႃႉၵေႃႈ ယုမ်ႇယမ်ဝႃႈတၵ်းမီးၸႂ် ႁၵ်ႉၸိူဝ်ႉၸၢတ်ႈဝၢၼ်ႈမိူင်း ႁင်းၽႂ်ႁင်းမၼ်းၵူႈၵေႃႉယဝ်ႉ။ ယွၼ်ႉၵွပ်ႈမိူင်းတႆး ထုၵ်ႇၽူႈၶႂၢၵ်ႈမိူင်းပူၼ်ႉပႅၼ်ဢူမ်ဢိုၼ် ယိုတ်းဢဝ်ၵႂႃႇပႅတ်ႈလႄႈၸင်ႇဝႃႈ ၵၢၼ်ဢုပ်ႇလၢတ်ႈတူၵ်ႇထိုင်လွင်ႈႁၵ်ႉၸၢတ်ႈၼၼ်ႉ မႃးပဵၼ်ပိူင်လူင်မၼ်း ၼႂ်းတူင်ႇဝူင်းတႆး။ မိူင်းဢၼ်ဢမ်ႇတူၵ်းပဵၼ်ၶီႈၶႃႈပိူၼ်ႈတႄႉ ၵၢၼ်ႁၵ်ႉၸိူဝ်ႉၸၢတ်ႈၼၼ်ႉပွင်ႇဝႃႈ ပဵၼ်ၵၢၼ်ၸွႆႈၵၼ် ယုၵ်ႉမုၼ်းလႄႈပူၵ်းပွင်ၸၼ်ႉၵူၼ်း ပၢႆးပၺ်ၺႃ ၵၢၼ်မၢၵ်ႈမီး ၵၢၼ်ၽဵင်ႇပဵင်းတၢင်း သိလ်ထမ်းလႄႈလၵ်းပိူင်ဝၢၼ်ႈမိူင်း (ၵူတ်းမၢႆ) ၸိူဝ်းၼၼ်ႉပဵၼ်လၵ်း။ တွၼ်ႈတႃႇတႆးႁဝ်းသမ်ႉ ၵွပ်ႈပဵၼ်ၵူၼ်းၶိူဝ်းဢၼ်ဢမ်ႇလႆႈလွင်ႈၽဵင်ႇပဵင်း၊ ဢမ်ႇမီးသုၼ်ႇလႆႈပူၵ်းပွင်ၸိူဝ်ႉၶိူဝ်း...