ၸဝ်ႈၾႃႉ မွပ်ႈဝၢင်းဢႃႇၼႃႇပၼ်လူင်ပွင်ၸိုင်ႈမိူင်းတႆး ဢမ်ႇၸႂ်ႈဝၢင်းပၼ်လူင်ပွင်ၸိုင်ႈမၢၼ်ႈ

ၸွမ်းၼင်ႇၸဝ်ႈၾႃႉတင်းလၢႆဝူၼ်ႉဝႆႉ ၸဵမ်မိူဝ်ႈ 1946 ၼၼ်ႉဝႃႈ- ၶႂ်ႈပူၵ်းပွင်ၸိုင်ႈမိူင်းတႆး ႁႂ်ႈၶိုၼ်ႈယႂ်ႇမႂ်ႇသုင် ၶိုတ်းတၼ်းသၢႆငၢႆငဝ်းလၢႆးၵၢပ်ႈပၢၼ်လုမ်ႈၾႃႉ လႅၵ်ႈလၢႆႈၶိုတ်းၵၢပ်ႈမႃး ၼၼ်ႉၵေႃႈပိူင်ၼိုင်ႈ။ ၼင်ႇၾိင်ႈထုင်း မိူင်းလုမ်ႈၾႃႉၶဝ် တႄႇတီႈလွၵ်းပိူင် ဢၼ်ပႃးၸဝ်ႈၾႃႉလႄႈၵူၼ်းမိူင်း ၽွမ်ႉႁူမ်ႈႁွမ်းဢွၼ်ႁူဝ်လူၺ်ႈၵၼ်သေ ၽွင်းငမ်းဝၢၼ်ႈမိူင်း၊ လႅၵ်ႈလၢႆႈပူၵ်းပွင်ၵႂႃႇလွႆးလွႆးၼၼ်ႉၵေႃႈပိူင်ၼိုင်ႈ။ ထႅင်ႈလွင်ႈၼိုင်ႈၸမ်ႉ ပေႃးမွပ်ႈဝၢင်း ဢႃႇၼႃႇ ပၼ်လူင်ပွင်ၸိုင်ႈမိူင်းတႆးယဝ်ႉ ၸဝ်ႈၾႃႉၶဝ်ၵေႃႈ မီးသုၼ်ႇၶဝ်ႈလိူၵ်ႈတင်ႈ ၶိုၼ်ႈပဵၼ်ၽွင်းလူင် ၼႂ်းလူင်ပွင်ၸိုင်ႈမိူင်းတႆး-ၼႆသေ...