ၸဝ်ႈဢွင်ႇမျၢတ်ႈ

ၸုမ်းၵူၼ်းၼုမ်ႇတႆးလႅင်လႄႈ ၵူၼ်းမိူင်း ဝဵင်းသိူဝ်  ၸေႈတွၼ်ႈၵၢတ်ႇသႃ (ၵတႃႇ) တိူင်းၸေႈၵႅင်း  ႁူမ်ႈၵၼ် ပူၵ်းပၵ်းႁုၼ်ႇႁၢင်ႈ  ၸဝ်ႈၾႃႉလူင်ဝဵင်းသိူဝ် ၸဝ်ႈဢွင်ႇမျၢတ်ႈ ၸမ်တေယဝ်ႉတူဝ်ႈ။ ႁုၼ်ႇႁၢင်ႈသွၼ်းလေႃႇၸဝ်ႈၾႃႉလူင်ဝဵင်းသိူဝ် ၸဝ်ႈဢွင်ႇမျၢတ်ႈ ၼႆႉ  သုင် 18 ထတ်း။ မေႃသွၼ်းႁၢင်ႈမေႃၶႅၵ်းႁၢင်ႈ သုမျိၼ်ႉတဵင်း ဝဵင်းလိူဝ်ႇ ၵေႃႉၶႅၵ်းပၼ်သေ ဝၼ်းတီႈ 14 လိူၼ်ၵျူႊလၢႆႊပူၼ်ႉမႃး ဢဝ်ၶိုၼ်ႈမႃးဝဵင်းသိူဝ်...

ႁၢင်ႈပၼ်ႈၸဝ်ႈၾႃႉဝဵင်းသိူဝ် ၸဝ်ႈဢွင်ႇမျၢတ်ႈ ဢၼ်ႁဵတ်းတီႈဝဵင်းလိူဝ်ႇၼၼ်ႉ ႁဵတ်းယဝ်ႉတူဝ်ႈယဝ်ႉလႄႈ သင်ၶၸဝ်ႈ၊ ၵူၼ်းမိူင်း တေဢဝ်မိူဝ်းပူၵ်းပၵ်းတီႈဝဵင်းသိူဝ်ဝႃႈၼႆ ။   ႁွင်ၵၢၼ်ၶၢဝ်ႇ သဵင်တႆးလႅင် (ရှမ်းနီအသံ) ပိုၼ်ၽၢဝ်ႇ ဝႆႉဝႃႈ - “ၸဝ်ႈသြႃႇ သူရိယ ၸဝ်ႈၽူႈဢွၼ်ႁူဝ် တႃႇပွင်ပဵၼ်သွၼ်းႁုၼ်ႇႁၢင်ႈၸဝ်ႈၾႃႉဝဵင်းသိူဝ် လၢတ်ႈဝႃႈ တွၼ်ႈတႃႇတေတမ်းဝၢင်းႁုၼ်ႇႁၢင်ႈၼႆႉ မီးၵူၼ်းလူႇပၼ်တီႈလိၼ်ယဝ်ႉၶိုင်ႈၼိုင်ႈ။ တၢင်းၶဝ်ႈဝဵင်းသိူဝ် ၊ ပဵၼ်တီႈတၢင်းၽႄၵႂႃႇဝဵင်းလိူဝ်ႇ လႄႈၵႂႃႇမိူင်းၸေႈၼႃး...