ၸဝ်ႈသႅင်ၸိုၼ်ႈလႄႈၽႃသႃလိၵ်ႈလၢႆးၵႂၢမ်းလၢတ်ႈ

ႁူမ်ႈဝႃႈၸဝ်ႈသႅင်ၸိုၼ်ႈ လႆႈသဵင်ႈၵမ်သုတ်းမုၼ်ၵႂႃႇ ၶွပ်ႈတဵမ် 7 ပီ ၼႂ်းဝၼ်းတီႈ 15 လိူၼ်သႅပ်ႊထႅမ်ႊၿိူဝ်ႊ ပီ 2011 ယဝ်ႉလႄႈ လႆႈမႃးထတ်းထွင်ၶုၵ်းၶူၼ်ႉ ဝူၼ်ႉႁႃၽွၼ်းၵၢၼ် ၼမ်ႉတိၼ်ၼမ်ႉမိုဝ်း ၵၢၼ်ၽႃသႃ လိၵ်ႈလၢႆး ၵႂၢမ်းလၢတ်ႈ ဢၼ်မၼ်းၸဝ်ႈၶတ်းၸႂ်ႁဵတ်းသၢင်ႈတိုဝ်းၵမ်မႃးၼၼ်ႉ ဢဝ်မႃးဢုပ်ႇလၢတ်ႈပိုတ်ႇပၢၵ်ႇၶႆႈၼႄၵၼ် ၼိုင်ႈပွတ်းၼိုင်ႈတွၼ်ႈ။ ၸဝ်ႈသႅင်ၸိုၼ်ႈၼႆႉ ၵွပ်ႈမီးၸႂ်သူင်တႅမ်ႈႁွင်ႉၽဵင်းၵႂၢမ်းလႄႈ ၵၢၼ်တႅင်ႇတႅမ်ႈႁွင်ႉၽဵင်းၵႂၢမ်းၼၼ်ႉ မီးတၢင်းၵတ်ႉၶႅၼ်ႇ ၸိုဝ်ႈလိုဝ်းမႃးၸဵမ်မိူဝ်ႈ...