ၶၢဝ်ႇၽၢင်း

ၵူၼ်းမိူင်းသႅၼ်ဝီတူၵ်းၸႂ်ၵူဝ်ႁႄဢွၼ်ၵၼ်ပၢႆႈမူၵ်းသူၼ်ယွၼ်ႉမီးၶၢဝ်ႇလိုဝ်းဝႃႈ တေမီးၵူၼ်းမႃးသမ်းၶဵမ်ၶူဝ်ႊဝိတ်ႉ ၊  ပဵၼ်လွင်ႈတုမ်ႉတိူဝ်ႉထိုင်ၵၢၼ်ႁႃၵိၼ်လဵင်ႉတွင်ႉၽွင်းသိုၵ်းယိုတ်းမိူင်းလႄႈ ၽေးၵၢပ်ႈၵႃႇလ။ မိူဝ်ႈၼႆႉ ဝၼ်းတီႈ 27/7/2021 ယၢမ်းၵၢင်ၼႂ် ၼႂ်းၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ  မီးၶၢဝ်ႇဝႃႈ တေမီးၸုမ်းသမ်းၶဵမ်ယႃႈႁႄႉၵင်ႈၶူဝ်ႊဝိတ်ႉ ၼႆသေဢွၼ်ၵၼ် ၵူဝ်ႁႄ ၵမ်ႈၽွင်ႈပၢႆႈၶဝ်ႈသူၼ် ၵမ်ႈၽွင်ႈယူႇႁိူၼ်းပိၵ်ႉၽၵ်းတူ၊ ႁဵတ်းႁႂ်ႈၵၢၼ်ယူႇသဝ်းဢမ်ႇမီးလွင်ႈလွတ်ႈလႅဝ်း ၸၢင်ႈတုမ်ႉတိူဝ်ႉပၢႆးယူႇလီ ၽွင်းၶၢဝ်းၶူဝ်ႊဝိတ်ႉလၢမ်းၽႄႈ     ၸၢႆးဝၼ်းလႅင်းၶမ်း ၽူႈတႅၼ်းသၽႃးၸိူဝ်ႉၸၢတ်ႈ ၸႄႈတွၼ်ႈလႃႈသဵဝ်ႈ မိူဝ်ႈပီ...