ၵၢၼ်ႁဵၼ်းပဵၼ်တႃႇၵူၼ်းၵူႈၵေႃႉ

ဢိင်ၼိူဝ်ၶေႃႈၽိတ်ႈဝွၵ်ႇတုၵ်းယွၼ်းၽိုၼ်လိၵ်ႈ တႃႇပၢင်ပွႆးယွင်ႈၵုင်ႇယေႃးမုၼ် ၸဝ်ႈၶူးသီႇရိထမ်ႇမ ဝတ်ႉဝေႇလုဝၼ်ႇ ဝဵင်းလူင်တူၼ်ႈတီးၼၼ်ႉသေ ၼႂ်းၽိုၼ်လိၵ်ႈၼႆႉ ၶႃႈႁဝ်းယွၼ်းတႅမ်ႈၶႆႈၼႄ လွင်ႈၵၢၼ်ႁဵၼ်းၵၢၼ်သွၼ်လႄႈ ၵၢၼ်ၶူၼ်ႉ ၶႂႃႉတီႈမိူင်းဢင်းၵိတ်း ၸွမ်းၼင်ႇၶႃႈႁဝ်းလႆႈမီးတူဝ်ထူပ်းႁူပ်ႉႁၼ် လွင်ႈဝႃႈၵၢၼ်ႁဵၼ်းပဵၼ်တႃႇၵူၼ်းၵူႈၵေႃႉၼႆၼၼ်ႉ ၽွင်ႈၶႃႈ။ မုင်ႈမွင်းဝႃႈ ၽိုၼ်လိၵ်ႈၼႆႉ တေပွၼ်ႈပၢႆးဝူၼ်ႉပၼ်ၽူႈၼမ်းၾၢႆႇပူၵ်းပွင်ၵၢၼ်ႁဵၼ်း ဢိၵ်ႇၶူးသွၼ်ၶဝ်လႄႈ ၽူႈ မီးၼမ်ႉၸႂ်ၶႂ်ႈယုၵ်ႉယွင်ႈၵမ်ႉထႅမ်ၵၢၼ်ႁဵၼ်းႁဝ်းၶဝ်ယူႇၼႆယဝ်ႉ။ ဢွၼ်တၢင်းသုတ်းတႄႉ ၶႃႈႁဝ်းယွၼ်းလႆႈဝႆႈသႃယွင်ႈယေႃးၼမ်ႉၸႂ်လႄႈ ၼမ်ႉၵတ်ႉၸဝ်ႈၶူးသီႇရိထမ်ႇမ ၸဝ်ႈပဵၼ်ၽူႈ ဢွၼ်တူင်ႉတိုၼ်ႇပူၵ်းပွင်ၵၢၼ်ႁဵၼ်း တႃႇၼုမ်ႇႁၢႆးၸၢႆးယိင်းႁုၼ်ႈမႂ်ႇ၊...