ၵွၼ်းဢိူင်ႇ

ၾၢႆႇၽွင်းငမ်း ဢိူင်ႇၵွင်းၵႄး ႁူဝ်ပိုၵ်ႉ ၸႄႈဝဵင်းလႃႈသဵဝ်ႈဢဝ်လိၼ်ၵူၼ်းမိူင်းၶၢႆ ၊ ၵူၼ်းမိူင်းဢမ်ႇလႆႈၸႂ် တၢင်ႇလိၵ်ႈယွၼ်းတၢင်းၸွႆႈတီႈလုမ်းၵွၼ်းၸႄႈဝဵင်းၵေႃႈ ဢမ်ႇၸွႆႈၵႄႈလိတ်ႈပၼ်သင်သေဢမ်ႇၵႃး ၽူႈၵွၼ်းဢိူင်ႇယင်းဢဝ်ႁႅင်းသိုၵ်းမၢၼ်ႈၶဝ်ႈမႃးလွၵ်ႇငိုတ်ႈၵူၼ်းဝၢၼ်ႈထႅင်ႈလူးၵွၼ်ႇ ။ ၵူၼ်းဝၢၼ်ႈၼႃးမူၼ်း ဢႃယု 50 ပၢႆၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ -“မၼ်းမႃးဢဝ်တီႈလိၼ်ၵူၼ်းဝၢၼ်ႈ ဝၢၼ်ႈၼႃးမူၼ်းၶၢႆဢေႃႈ။ ၵူၼ်းဝၢၼ်ႈဢမ်ႇၽွမ်ႉဢမ်ႇလႆႈၸႂ် ၵႂႃႇသၢၼ်ၶတ်းယူႇၵေႃႈ မၼ်းဢမ်ႇထွမ်ႇ။ ၸႂ်ႉဢႃႇၼႃႇမၼ်းသေ ယိုတ်းတီႈလိၼ်ၽုင်ႇၵူၼ်းဝၢၼ်ႈၼႃးမူၼ်း၊ ပေႃးယဝ်ႉဢဝ်ၶၢႆ။ မၼ်းၸႂ်ႉဢႃႇၼႃႇပေႉၵိၼ်ၵူၼ်းဝၢၼ်ႈၼႆႉၼမ်ၼႃႇယဝ်ႉၶႃႈ။ ပေႃးၵူၼ်းဝၢၼ်ႈၶႂ်ႈၶၢႆလိၼ်ၸဝ်ႈၵဝ်ႇသေ ၵႂႃႇၸႂ်ႉမၼ်းလူင်းလၢႆးမိုဝ်းပၼ်...