ၵူၼ်းႁိူၼ်းၼၢင်းမူဝ်ႁွမ် ၼမ်ႉၶမ်း တေၼႄၵၢင်ၸႂ် တုၵ်းယွၼ်းႁႂ်ႈ TNLA ပွႆႇပၼ်တူဝ် မၼ်းၼၢင်းၽႂ်းၽႂ်း

ၵူၼ်းႁိူၼ်းၵူၼ်းယေးၼၢင်းမူဝ်ႁွမ် ဢွၼ်ၵၼ်ၼႄၵၢင်ၸႂ် ၵၢင်ဝဵင်းၼမ်ႉၶမ်း တုၵ်းယွၼ်းႁႂ်ႈ ၸုမ်းသိုၵ်း တဢၢင်း TNLA ပွႆႇပၼ်တူဝ်ၼၢင်းမူဝ်ႁွမ်ဝႆးဝႆး။ ဝၼ်းတီႈ 07/09/2018 ၵူၼ်းႁိူၼ်းၵူၼ်းယေး ၼၢင်းမူဝ်ႁွမ် ဢွၵ်ႇၼႄၵၢင်ၸႂ် တီႈပၢင်ပၢင်ႇပွႆး ၵၢင်ဝဵင်းၼမ်ႉၶမ်း မီးၵူၼ်းဝၢၼ်ႈၵူၼ်းမိူင်းၼႂ်းဝဵင်းၼမ်ႉၶမ်း 1,200 ပၢႆ မႃးပႂ်ႉပၼ်ႁႅင်းၸႂ်။ မီးၸုမ်းၶွတ်ႇလိူတ်ႈ ၽွမ်ႉႁူမ်ႈ UP၊ ၸုမ်းၵူၼ်းၼုမ်ႇၼႂ်းပႃႇတီႇသိူဝ်ၽိူၵ်ႇ၊ ၸုမ်းၶႄၾႆးလႄႈ ပလိၵ်ႈလူင်ပွင်ၸိုင်ႈမၢၼ်ႈ...

သိုၵ်းတဢၢင်း TNLA တီႉၺွပ်းၵူၼ်းမိူင်းၼမ်ႉၶမ်းၵႂႃႇ တေႃႇထိုင်ယၢမ်းလဵဝ် ႁိုင် 20 ဝၼ်းယဝ်ႉ ပႆႇပွႆႇတူဝ် ၶိုၼ်းလႄႈ ယူႇတီႈၸိူဝ်ႉၶိူဝ်းပီႈၼွင်ႉမၼ်းၼၢင်း ဢိၵ်ႇၸုမ်းတူင်ႇဝူင်းၵူၼ်း တေၼႄၵၢင်ၸႂ်တုၵ်းယွၼ်းၵႂႃႇ ဝႃႈၼႆ။ ဝၼ်းတီႈ 02/09/2018 ယူႇတီႈၸိူဝ်ႉၶိူဝ်းပီႈၼွင်ႉ ၼၢင်းမူဝ်ႁွမ် တင်း ၸုမ်းတူင်ႉၼိုင်တူင်ႇဝူင်းၵူၼ်း ၼႂ်းၸႄႈဝဵင်း ၼမ်ႉၶမ်း လႆႈႁူမ်ႈၵၼ်သေ လူင်းလၢႆးမိုဝ်း တႅမ်ႈလိၵ်ႈယွၼ်းတၢင်းၸွႆႈထႅမ်ထိုင် ၸွမ်ၸိုင်ႈမိူင်းႁူမ်ႈတုမ်...