ၵုမ်းတူဝ်ဝႆႉ

ၵူၼ်းတူၵ်းၶွၵ်ႈၸိူဝ်းလုၵ်ႉမိူင်းၶႄႇပွၵ်ႈမႃးမီးတီႈဝဵင်းၼမ်ႉသၼ်ႇ ၸိုင်ႇတႆးပွတ်းႁွင်ႇၼၼ်ႉ ယၢပ်ႇၽိုတ်ႇၶဝ်ႈၼမ်ႉတၢင်းၵိၼ်။ ၵူၼ်းၼမ်ႉသၼ်ႇ ၸိူဝ်းလုၵ်ႉမိူင်းၶႄႇသေပွၵ်ႈမႃး ၵုမ်းတူဝ်ဝႆႉတီႈဝဵင်းၼမ်ႉသၼ်ႇ ၼႃႈလိၼ်ၽွင်းငမ်းတူဝ်ၵဝ်ႇ တဢၢင်း ပလွင်ႈ မီးယူႇ 51 ၵေႃႉ။ ဢူးၵျႃးတီႇ ႁူဝ်ပဝ်ႈၸုမ်းၶႂၢႆႇၶႃပႄလႅင် ၸႄႈဝဵင်းၼမ်ႉသၼ်ႇ ဢၼ်ပၼ်တၢင်းၸွႆႈထႅမ်ၵူၼ်းပွၵ်ႈမိူင်း ၸိူဝ်းၼၼ်ႉလၢတ်ႈဝႃႈ -“ ၸိူဝ်းၶဝ် လူဝ်ႇၶဝ်ႈၼမ်ႉတၢင်းၵိၼ်ဢေႃႈယၢမ်းလဵဝ်။ ၵွပ်ႈဝႃႈ ၵၵ်းၶင်တူဝ်ဝႆႉတီႈၼမ်ႉသၼ်ႇၼႆႉ ၸိူဝ်းၶဝ်လႆႈၸူၵ်းထွင်းၸဝ်ႈၵဝ်ႇသေ ပၼ်ၵႃႈၵိၼ်ၵႃႈယူႇ ၼိုင်ႈၵေႃႉ ၼိုင်ႈဝၼ်း...