ဢၼႃႇၵတ်ႈမႂ်ႇ

ပေႃးတူၵ်ႇၶိူဝ်းလိူၵ်ႈတင်ႈထႆးၼႆႉ ၸိူဝ်းတိတ်းတၢမ်ၸွမ်းၵမ်ႈၼမ် တေႁူႉလွင်ႈမႅင်ႇငိုၼ်းပၼ်ၽူႈမီးဢေႃးၸႃႇ ၼႂ်းပိုၼ်ႉတီႈလႂ်ပိုၼ်ႉတီႈၼၼ်ႉသေ သိုဝ်ႉဢဝ်ၶႅပ်းၵၢင်ၸႂ် (ၶဝ်ႁွင်ႉဝႃႈ သိုဝ်ႉသဵင်) ၵူၼ်းမိူင်းၼႂ်းပိုၼ်ႉတီႈၼၼ်ႉ ႁႂ်ႈၶဝ်ႈမႃးတွတ်ႈပၼ် ၶႅပ်းၵၢင်ၸႂ်တီႈပႃႇတီႇတူဝ်ၵဝ်ႇ။ ပႃႇတီႇလူင်ၵမ်ႈၼမ် ဢမ်ႇဝႄႈလွတ်ႈလႆႈလၢႆးၼႆႉ။ ယွၼ်ႉၼၼ် ပေႃးမီးလိူၵ်ႈတင်ႈယေႈပွၵ်ႈၸိုင် ငိုၼ်းဢၼ်ပႃႇတီႇၶဝ်လႆႈၸႂ်ႉၸၢႆႇၼႆႉ တေဢမ်ႇတႅမ်ႇသေ ႁဵင်လၢတ်ႉဝၢတ်ႇ (ႁႃႈမိုၼ်ႇ လၢၼ်ႉၵျၢပ်ႈ)။ ပီၼႆႉတႄႉလိူဝ်မႃးထႅင်ႈၵူႈပွၵ်ႈ မီးလွင်ႈၼိုင်ႈ။ သၢႆမၢႆၵူၼ်းမီးသုၼ်ႇတွပ်ႈၶႅပ်းမႄး မီးပၢၵ်ႇၵေႃႉ။ ၽိူဝ်ႇမႃးၼပ်ႉ ၶႅပ်းမႄးသမ်ႉမီးသွင်ပၢၵ်ႇ။...