ဢွၵ်ႊသီႊၵျိၼ်ႊ

ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ ၼမ်ၼႃႇယဝ်ႉလႄႈ တီႈႁူင်းယႃၸႄႈဝဵင်းၵျွၵ်ႉမႄး ႁပ်ႉယူတ်းယႃၵူၼ်းဢၼ်ဢွၵ်ႊသီႊၵျိၼ်ႊ တူၵ်းႁႅင်းဢႃးလႃးၵူၺ်း၊ ၵူၼ်းၸဵပ်းမႆႈၶႆႈၼၢဝ်လႄႈၵူၼ်းၸပ်းၶူဝ်ႊဝိတ်ႉတႄႉႁႂ်ႈယူတ်းယႃႁင်းၵူၺ်းတီႈႁိူၼ်း လႆႈႁူႉၼင်ႇၼႆ။ လုၵ်ႈၸုမ်းပရႁိတ ၼမ်ႉၶူင်း ၵျွၵ်ႉမႄး ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ “  ၵူၼ်းပဵၼ်ၶူဝ်ႊဝိတ်ႉၵေႃႈၶဝ်ဢမ်ႇႁပ်ႉယဝ်ႉၶႃႈ တီႈႁူင်းယႃၵျွၵ်ႉမႄး။  ယွၼ်ႉဝႃႈၵူၼ်းတဵမ်ႁူင်းယႃ ယဝ်ႉဢေႃႈ။ ၶဝ်တေႁပ်ႉၵူၼ်းပဵၼ်လိူဝ်ႁႅင်း ၵူၺ်းယဝ်ႉၶႃႈ ” - ဝႃႈၼႆ။ ယၢမ်းလဵဝ် တီႈဝဵင်းၵျွၵ်ႉမႄးၼႆႉၵူၼ်းပဵၼ်ၶူဝ်ႊဝိတ်ႉၼမ်ႁႅင်းဢႃးလႃးလႄႈ မီးထိုင်လၢႆၵေႃႉယဝ်ႉ တၢႆလၢႆၵေႃႉယဝ်ႉဢမ်ႇႁူႉတႅတ်ႈတေႃး၊ ယွၼ်ႉပိူဝ်ႈဢမ်ႇမီးၶိူင်ႈၵူတ်ႇထတ်း...