ဢိူင်ႇလွႆဢၢၼ်

ၼႂ်းမိူင်းႁူမ်ႈတုမ်  ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19  ၼမ်ၶိုၼ်ႈဝၼ်းႁဵင်ပၢႆ၊ ၵူၼ်းပၢႆႈၽေးသိုၵ်းၼႂ်းၸိုင်ႈတႆးပွတ်းႁွင်ႇသမ်ႉဢမ်ႇၸၢင်ႈႁဵတ်းၸွမ်းႁွင်ႈၵၢၼ်ပၢႆးယူႇလီပိုၼ်ၽၢဝ်ႇဝႆႉ၊ ၵႃႈလႆႈသွၼ်ႈယူႇၸွမ်းၵၼ်တီႈၵျွင်းမုၼ်ၸဝ်ႈလႄႈတီႈပၢင်သဝ်းၵူၼ်းပၢႆႈၽေး  ပႆႇၸၢင်ႈပွၵ်ႈၶိုၼ်းႁိူၼ်းယေးၽႂ်မၼ်း။  ၵူၼ်းပၢႆႈၽေးဢၼ်မႃးသွၼ်ႈဝႆႉၼႂ်းဝဵင်းၵျွၵ်ႉမႄးမီးသွင်ႁဵင်ပၢႆ  ၵမ်ႈၼမ် ပဵၼ် ၵူၼ်းထဝ်ႈ လႄႈလုၵ်ႈဢွၼ်ႇ  ။ ၸၢႆးဢွင်ႇမိၼ်ႉ ၽူႈတႅၼ်းသၽႃးၵူၼ်းမိူင်း ဢၼ်ဢွင်ႇပေႉပၢင်လိူၵ်ႈတင်ႈပီ 2020 တီႈၵျွၵ်ႉမႄး လၢတ်ႈဝႃႈ -“ယၢမ်းလဵဝ် ဢၼ်မႆႈၸႂ်တႃႇၵူၼ်းပၢႆႈၽေးတႄႉ ၶဝ်လႆႈယူႇတိတ်းၸပ်းၵၼ်ႁႅင်းၼႃႇၼၼ်ႉၶႃႈဢေႃႈ ။ဢမ်ႇၸၢင်ႈယူႇႁၢင်ႇၵၼ် သေဢိတ်း။ ၵူဝ်တၢင်းပဵၼ်ၶူဝ်ႊဝိတ်ႉဢေႃႈ။  ၵူၼ်းပၢႆႈၽေးသိုၵ်း...