ပလိၵ်ႈမၢၼ်ႈသိုပ်ႇၵူတ်ႇထတ်းဝတ်းဝႂ်လၢႆႊသိၼ်ႊရူတ်ႉၵႃး ရူတ်ႉၶိူင်ႈ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ဢမ်ႇယဝ်ႉဢမ်ႇတူဝ်ႈ ႁဵတ်းႁႂ်ႈ ၵူၼ်းပိုၼ်ႉတီႈၵႂႃႇမႃးယၢပ်ႇၽိုတ်ႇ  ။ သိုၵ်းမၢၼ်ႈၵူတ်ႇထတ်းလၢႆႊသိၼ်ႊရူတ်ႉၵႃးၵၢင်ဝဵင်းတူၼ်ႈတီးမႃးတင်ႈတႄႇႁူဝ်လိူၼ် ၵျုၼ်ႊ တေႃႇထိုင်လိူၼ်ၵျူႊလၢႆႊဝၼ်းမိူဝ်ႈၼႆႉ ႁိုင်မႃးလိူၼ်ပၢႆယဝ်ႉ ပႆႇယဝ်ႉပႆႇတူဝ်ႈ။   ဝၼ်းတီႈ 13/7/2025 ဝၼ်းတိတ်ႉ ပူၼ်ႉမႃးၼႆႉ ပလိၵ်ႈမၢၼ်ႈပႂ်ႉၵူတ်ႇထတ်းရူတ်ႉၵႃး တီႈၸဵင်ႇတၢင်းႁူင်းႁဵၼ်းၸၼ်ႉသုင် (အထက) မၢႆ 1  တီႉၺွပ်း ရူတ်ႉၶိူင်ႈဢမ်ႇမီးဝႂ် 50...

သိုၵ်းမၢၼ်ႈၾၢႆႇၽွင်းငမ်းၸႄႈတွၼ်ႈတူၼ်ႈတီး ဢွၵ်ႇလိၵ်ႈလပ်ႉ ၸီႉသင်ႇၵၼ်ဝႃႈႁႂ်ႈတီႉၺွပ်း ရူတ်ႉၵႃးဢမ်ႇမီးဝႂ်ၶွၼ်ႇ လၢႆႊသိၼ်ႊ ႁႂ်ႈၶဝ်ႈတီႉထိုင်ၼႂ်းႁိူၼ်းၼႂ်းယေး ၼႂ်းၸႄႈတွၼ်ႈတူၼ်ႈတီး ဝႃႈၼႆ။    လွင်ႈၼႆႉ ၸုမ်းၸွႆႈထႅမ်ၵၢၼ်လုၵ်ႉၽိုၼ်ႉ TGI Support Revolution လၢတ်ႈတီႈၽူႈတွႆႇႁွၵ်ႈဝႃႈ - ပဵၼ်ယွၼ်ႉ သိုၵ်းမၢၼ်ႈလႆႈၶၢဝ်ႇဝႃႈ ၸုမ်းသိုၵ်းၽွမ်ႉႁူမ်ႈ PDF တေႃႉသူင်ႇၶိူင်ႈၵွင်ႈၵၢင်ႇ ၸွမ်းရူတ်ႉၵႃး ဢမ်ႇမီးဝႂ် လၢႆႊသိၼ်ႊ ၼႆလႄႈ...