ပၢင်လိူၵ်ႈတင်ႈ ဢၼ်သိုၵ်းမၢၼ်ႈၼမ်းၸတ်း တေႁဵတ်းၼႂ်းဝၼ်းတီႈ 28/12/2025 ၼႆႉ ၵူၼ်းမိူင်း ဢမ်ႇသူၼ်ၸႂ် တႃႇၵႂႃႇပၼ်ၶႅပ်းၵၢင်ၸႂ်လႄႈ ဢမ်ႇမီးၽႂ်ၵႂႃႇတူၺ်း သဵၼ်ႈၸိုဝ်ႈ ၸဝ်ႈၵဝ်ႇ ဢၼ်ၶွမ်ႊမသျိၼ်ႊၵမ် ၵၢၼ်ပၢင်လိူၵ်ႈတင်ႈ မိူင်းႁူမ်ႈတုမ် ႁဵတ်းဢွၵ်ႇပိုၼ်ၽၢဝ်ႇမႃး ၼႆယဝ်ႉ။ ယိင်ႈပၢင်လိူၵ်ႈတင်ႈၸမ်မႃး သိုၵ်းမၢၼ်ႈၶႅၼ်းမိပ်ႇငႅၼ်း တဵၵ်းတဵင် လွၵ်ႇငိုတ်ႈတေႃႇၵူၼ်းမိူင်းၼႂ်းဝဵင်းမူႇၸေႊ မိူင်းတႆးပွတ်းႁွင်ႇ ၵႂႃႇတူၺ်းၸိုဝ်ႈၽႂ်မၼ်း ၼႂ်းသဵၼ်ႈမၢႆၵူၼ်းၸိူဝ်းမီးသုၼ်ႇတေလႆႈသႂ်ႇၶႅပ်းၵၢင်ၸႂ်ၼၼ်ႉ...

သိုၵ်းမၢၼ်ႈလွၵ်ႇငိုတ်ႈၵူၼ်းမိူင်းလွႆၶေႃ မိူင်းယၢင်းလႅင်ဝႃႈ တွၼ်ႈတႃႇပၢင်လိူၵ်ႈတင်ႈဢၼ်တေၸတ်းႁဵတ်းၼႂ်းႁၢင်လိူၼ်ၻီႊသႅမ်ႊပိူဝ်ႊၼႆႉ သင်ဢမ်ႇၵႂႃႇသႂ်ႇၶႅပ်းၵၢင်ၸႂ်ၼႆၸိုင် တေဢမ်ႇဢဝ်ပုၼ်ႈၽွၼ်းလွင်ႈႁူမ်ႇလူမ်ႈပၼ် ၼႆသေ ၸႂ်ႉၵႂႃႇပၼ်ၶႅပ်းၵၢင်ၸႂ်လူင်ႈၼႃႈၼႆယဝ်ႉ ။ တႄႇႁူဝ်လိူၼ် တီႊသႅမ်ႊပိူဝ်ႊ ၼႆႉမႃး ႁွင်ႈၵၢၼ်ၾၢႆႇၵူတ်ႇထတ်းၵူၼ်းၶဝ်ႈမိူင်း လဝၵ ၵဵပ်းဢဝ်သဵၼ်ႈမၢႆမုင်ႉႁေႃႁိူၼ်း ၵူၼ်းမိူင်းၼႂ်းဝဵင်းလွႆၶေႃသေ ပိုၼ်ၽၢဝ်ႇတႃႇမႃးပၼ်ၶႅပ်းၵၢင်ၸႂ် ၊ သင်ဢမ်ႇၵႂႃႇပၼ်ၶႅပ်းၵၢင်ၸႂ် တွၼ်ႈတႃႇပၢင်လိူၵ်ႈတင်ႈၼႆၸိုင် တေဢမ်ႇဢဝ်ပုၼ်ႈၽွၼ်းပၼ် လွင်ႈႁူမ်ႇလူမ်ႈသင်ၼႆ လွၵ်ႇငိုတ်ႈပႃးထႅင်ႈၼင်ႇၼႆ ။ ၼၢင်းယိင်းၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၵၢင်ႉၵႄႇၼႂ်းပွၵ်ႉလႄႇလမ်းႁႃလၢတ်ႈ မၢႆဢၼ်တေလႆႈၵႂႃႇ...