ၾၢႆႇၼိုင်ႈၵေႃႈ သိုၵ်းမၢၼ်ႈ ၶႂ်ႈၵမ်ၵိၼ်းၸုမ်းလုၵ်ႉၽိုၼ်ႉၶဝ်လႄႈ သိုၵ်းမၢၼ်ႈတတ်းပႅတ်ႈလႅင်းၾူၼ်ႊ လႅင်ႊဢိၼ်ႊ ထိူဝ်ႊၼႅတ်ႉၼႂ်းၸိုင်ႈမိူင်း ၼႂ်းဢွင်ႈတီႈဢၼ်ၸုမ်းလုၵ်ႉၽိုၼ်ႉတူင်ႉၼိုင် ။ ၾၢႆႇၶွမ်ႊပၼီႊ ဢၼ်ၶူင်ႁဵတ်း ဢွၵ်ႇသၻႃႊလိင်ႉၶ်ၵေႃႈ ပၼ်ၶေႃႈဢၢင်ႈလၢႆဢၼ်သေ တႄႇ တတ်းသၻႃးလိင်ႉၶ်ၼႂ်းမိူင်းႁူမ်ႈတုမ်မၢၼ်ႈလၢႆတီႈ လႄႈ ၸုမ်းလုၵ်ႉၽိုၼ်ႉဢမ်ႇၸၢင်ႈလႆႈၶေႃႈမုလ်းၶၢဝ်ႇသၢၼ်ငၢႆႈ။ ၼႂ်းၵႄႈၼၼ်ႉ ၵူၼ်းမိူင်းၸိူဝ်းယူႇၸွမ်းဢွင်ႈတီႈၸုမ်းလုၵ်ႉၽိုၼ်ႉၵုမ်းၵမ်ၵေႃႈ ယၢပ်ႇၸႂ်ၸွမ်း ။ ဢၼ်ၸုမ်းလုၵ်ႉၽိုၼ်ႉၼႂ်းမိူင်းမၢၼ်ႈ လႆႈၸႂ်ယႂ်ႇတႃႇၵပ်းသိုပ်ႇၵပ်းသၢၼ်ၵၼ်ယူႇၼႆႉ ပဵၼ်သၻႃႊလိင်ႉၶ် ၊ ၵမ်းၼႆႉသမ်ႉ...

ၼႂ်းလုၵ်ႈလိူၼ်မေႊ 2026 ၼႆႉ  သုၼ်ငဝ်ႈသၻႃႊလိင်ႉၶ် ႁႂ်ႈၵူၼ်းၸိူဝ်းၸႂ်ႉတိုဝ်းၶိူင်ႈသၻႃႊလိင်ၶ်ႉ ယိုၼ်ယၼ် ID တၢင်ႇမၢႆၾၢင်ႁႂ်ႈတႅတ်ႈတေႃးၼႆယူႇ ။ လွင်ႈၼႆႉႁဵတ်းႁႂ်ႈတုမ်ႉယွၼ်ႈထိုင် ၵူၼ်းၸိူဝ်း ၸႂ်ႉသတႃႊလိင်ႉၶ်သေဢမ်ႇၶႂ်ႈဢွၵ်ႇၸိုဝ်ႈဢွၵ်ႇသဵင် ၸိူဝ်းၼၼ်ႉပႃး ဝၢႆးသေ သိုၵ်းမၢၼ်ႈယိုတ်းမိူင်း မိူဝ်ႈ 2021 ၼၼ်ႉသေ မိူင်းႁူမ်ႈတုမ်မၢၼ်ႈပတ်းပိုၼ်ႉ ဢမ်ႇထၢင်ႇႁၢင်ႈၸႂ်ႉလႆႈ ဢိၼ်ႊထိူဝ်ႊၼႅတ်ႉ ။ ဢမ်ႇတူၺ်းၶၢဝ်ႇငၢဝ်း ဢမ်ႇၸၢင်ႈၵပ်းသိုပ်ႇၵၼ်လႆႈလွတ်ႈလႅဝ်းထၢင်ႇႁၢင်ႈ ။...