သုၼ်ႇၸတ်းပွင်ႁင်းၶေႃ လႄႈ လွင်ႈမိူဝ်းၼႃႈၸၢဝ်းၶိူဝ်းၶဝ်

တွၼ်ႈၼမ်း ဢၼ်ႁဵတ်းႁႂ်ႈၵူၼ်းမိူင်းၸိူဝ်းဢၼ် ႁူမ်ႈၵၼ်ယူႇၼႂ်းၸိုင်ႈမိူင်းထၢင်ႇႁၢင်ႈ မိူင်းလဵဝ်ၵၼ်ၶဝ် ၶွတ်ႇၽၼ်ႈၵၼ်ၼႆႉ မီးဢၼ်ၼိုင်ႈ။ ၼၼ်ႉၸမ်း ပဵၼ် “လွင်ႈတင်းလၢႆပိူင်ႇငမ်း” ဢၼ်တင်းလၢႆႁူမ်ႈၵၼ်ပိူင်ႇငမ်း “ဢႃႇၼႃႇႁႅင်းပွင်” ဝႆႉၼၼ်ႉၵူၺ်းယဝ်ႉ။ ၵူၼ်းမိူင်းၸိူဝ်းဢၼ် ႁူမ်ႈၵၼ်ပိူင်ႇငမ်းဢႃႇၼႃႇႁႅင်းပွင်ၸိုင်ႈမိူင်းဝႆႉ ၽဵင်ႇၽဵင်ႇပဵင်းပဵင်း ၼင်ႇၵၼ်ၼႆႉ ႁဵၵ်ႈႁွင်ႉဝႃႈ “ၵူၼ်းၵိုၵ်းမိူင်း”ၼႆယဝ်ႉ။ မိူင်းႁူမ်ႈတုမ်မႅၼ်ႇမႃႇၼႆႉ ပဵၼ်ၸိုင်ႈမိူင်း ဢၼ်ပိူင်ႇငမ်းဢႃႇၼႃႇႁႅင်းပွင်ဝႆႉၼၼ်ႉ မိူင်းၼိုင်ႈယဝ်ႉ။ ဢႃႇၼႃႇႁႅင်းပွင်ၼၼ်ႉၸမ်း ၵူၼ်းၵိုၵ်းမိူင်း ၸိူဝ်းဢၼ်ယူႇသၢင်ႈသဝ်းၼႂ်းမိူင်းႁူမ်ႈတုမ်ၶဝ် ႁူမ်ႈၵၼ်ပိူင်ႇငမ်းဝႆႉယဝ်ႉ။...