သုၼ်ႇလႆႈပိုၼ်ႉထၢၼ် (Fundamental Rights)

ၵူၼ်းၵူႈၵေႃႉၼႆႉ မီးသုၼ်ႇလႆႈဢၼ်ၽူႈလႂ်၊ ၽႂ်၊ မူႇၸုမ်း၊ လူင်ပွင်ၸိုင်ႈ ၵေႃႉလႂ်ၸုမ်းလႂ်ၵေႃႈ ဢမ်ႇပၼ်လႆႈ (ဢမ်ႇၼၼ်) ဢမ်ႇႁုပ်ႈယိုတ်းပႅတ်ႈလႆႈၼၼ်ႉ ၸဵမ်မိူဝ်ႈၵိူတ်ႇဢွၵ်ႇတွင်ႉ ႁၼ်ၼႃႈၾႃႉၼႃႈမိူင်းမႃးၼၼ်ႉယဝ်ႉ။ တီႈဝၢၼ်ႈမိူင်းဢၼ် ၾိုၵ်းၸႂ်ႉပိူင်ၻီႊမူဝ်ႊၶရေႇၸီႊၶဝ်ၼႆႉဢွၼ်ၵၼ်ႁႅၼ်းတမ်း လၵ်းမိူင်းဝႆႉ တႅတ်ႈတႅတ်ႈတေႃးတေႃး သေ ပႂ်ႉပႃးလူလွမ်ႁႄႉ ၵင်ႈပၼ်သုၼ်ႇလႆႈပိုၼ်ႉထၢၼ် ဢၼ်ၵိူတ်ႇ ၵိုၵ်းပႃးၸွမ်းၵူႈ ၵေႃႉၽႂ်မၼ်းမႃးယဝ်ႉ။ သုၼ်ႇလႆႈပိုၼ်ႉထၢၼ်ၸိူဝ်းၼၼ်ႉၼႆႉ ဢဝ်ယုၵ်းယၢင်ႇမၼ်းဝႃႈတႄႉ ၸၢင်ႈၸႅၵ်ႇလႆႈ 2 ယၢင်ႇ။...