ၽွင်းလူင် ၾၢႆႇၼွၵ်ႈမိူင်း မိူင်းၶႄႇ ဝၼ်ႊယိ ၽွင်းတေၵႂႃႇၶဝ်ႈႁူမ်ႈပၢင်ၵုမ် မႄႈၶူင် - လၢၼ်ႉၸၢင်ႉ တီႈမိူင်းထႆးၼၼ်ႉ ဝႄႉႁူပ်ႉထူပ်းၵၼ်တင်း ၸွမ်ၸိၵ်းသိုၵ်းမၢၼ်ႈလႄႈ ၽူႈၼမ်းသိုၵ်းမၢၼ်ႈ ၵေႃႉၵဝ်ႇ တီႈၼေႇပျီႇတေႃႇ။ ဝၼ်းတီႈ 14/08/2024 ဝၼ်ႊယိ ႁူပ်ႉထူပ်းၵၼ်တင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တီႈၼေႇပျီႇတေႃႇ ဢုပ်ႇၵုမ်ၵၼ် လွင်ႈပၢင်တိုၵ်း မိူင်းတႆးပွတ်းႁွင်ႇ၊ လွင်ႈတႃႇၵဵပ်းသဵၼ်ႈမၢႆ...

ၸုမ်းယိပ်းၵွင်ႈၵၢင်ႇလႄႈၸုမ်းတူင်ႉၼိုင်တူင်ႇဝူင်းၵူၼ်း 255 ၸုမ်းယိုၼ်ႈလိၵ်ႈသူင်ႇထိုင် မိူင်းၶႄႇ ႁႂ်ႈၵိုတ်းယိုတ်းလွင်ႈပၼ်ႁႅင်းသိုၵ်းမၢၼ်ႈ ႁႂ်ႈၵိုတ်းယိုတ်းလွင်ႈသိုပ်ႇသၢႆၸႂ်ၸဝ်ႈဢႃႇၼႃႇသိုၵ်း ၊ ႁႂ်ႈထွမ်ႇသဵင်ၵၢင်ၸႂ်ၵူၼ်းမိူင်း - ဝႃႈၼႆ။ လိၵ်ႈၽိုၼ်ၼႆႉ တူၵ်ႇၸိုဝ်ႈၸွမ်ၸိုင်ႈမိူင်းၶႄႇ သျီႊၵျိၼ်ႉၽိင်ႊ ၸွမ်ၽွင်းလူင် ဝၼ်ႊယိ လႄႈ ၵူၼ်းမိူင်းၶႄႇၼႆသေ သူင်ႇၸူးမိူဝ်ႈဝၼ်းတီႈ 17 လိူၼ်တီႊသႅမ်ႊပိူဝ်ႊ ။ ၼႂ်းၼၼ်ႉပႃးလွင်ႈ ႁႂ်ႈၶႄႇၵိုတ်းလွင်ႈယူႇၵႄႈ သိုၵ်းမၢၼ်ႈလႄႈ...