လၢႆးၽုၵ်ႇတႅင်တဝ်ႈ လႄႈၼမ်ႉတွၼ်းၽွၼ်းလီမၼ်း ပဵၼ်ႁိုဝ်ဝႆႉ?

တႅင်တဝ်ႈ ႁိုဝ် တႅင်ၸမ်ႇပူႇၼႆႉ ပဵၼ်မၢၵ်ႇဝၢၵ်ႈႁၢၵ်ႈႁူဝ်ဢၼ်မီးဢရသႃႇၸဵမ်းဝၢၼ်၊ မီးၼမ်ႉတွၼ်းၽွၼ်းလီ တေႃႇတူဝ်ၶိင်းၵူၼ်းႁဝ်းတႄႉတႄႉ။ ၵွပ်ႈၼၼ် ႁဝ်းဢွၼ်ၵၼ်မႃးလဵပ်ႈႁဵၼ်းတူၺ်း တင်ႈတႄႇလၢႆးၽုၵ်ႇမၼ်း တေႃႇထိုင်ၶၢဝ်းလႆႈၵိၼ်လႆႈလူႇလႆႈတၢၼ်းၵၼ်။ လၢႆးၽုၵ်ႇတႅင်တဝ်ႈ 1. ၼႂ်းသူၼ်ႁိူၵ်ႈႁဝ်းၼၼ်ႉ ၶုတ်းႁဵတ်းတိူၵ်ႇၶူၺ်လိၼ်တႅဝ်းယၢဝ်းယၢဝ်း တၢင်းၵႂၢင်ႈမွၵ်ႈသွင်သွၵ်ႇ၊ ၼႂ်းၵၢင်ၶုတ်းပဵၼ်ႁွင်ႈဢွၼ်ႇဝႆႉ။ သၢင်ႇထုၵ်ႇသုတ်း ႁႂ်ႈပဵၼ်လိၼ်ၽုၺ်ႈလိၼ်ၽူင်း လိၼ်လေႃးသၢႆး။ 2. ၼိူဝ်တိူၵ်ႇၶူၺ်လိၼ်ၼၼ်ႉ ၶုတ်းပဵၼ်လုၵ်းဢွၼ်ႇတႃႇသႂ်ႇၾုၼ်ႇ ၶီႈဝူဝ်းၶီႈၵႂၢႆး ၶီႈမူၵေႃႈလႆႈ။ ၾုၼ်ႇၼႆႉၸႂ်ႉၾုၼ်ႇထၢတ်ႈၵေႃႈလႆႈ၊ ၵူၺ်းၵႃႈႁႂ်ႈလီသုတ်း ၸႂ်ႉၾုၼ်ႇၶီႈဝူဝ်းၶီႈၵႂၢႆးၶႅမ်ႉသုတ်း...