လွႆတႆးလႅင်း ပဵၼ်တီႈတႆးၶွၼ်ႈႁႅင်း ပိူဝ်ႈၶိူဝ်းတႆးၵႅၼ်ႇၶႅင်

လွႆတႆးလႅင်းၼႆႉ ဢွၼ်တၢင်းမီးၸိုဝ်ႈဝႃႈ ၼမ်ႉပဵင်းလိၼ်။ ပေႃးဢဝ်ၼမ်ႉလိၼ်ႁိၼ်ၽႃဝႃႈၸိုင် တၢင်းပီႈၼွင်ႉထႆးဝႃႈ လွႆတႆးလႅင်း မီးၼိူဝ်တႄးႁူတ်ႈသၼ်လွႆလႅၼ်လၢဝ်း (ทิวเขาแดนลาว) လႅၼ်လိၼ်တႆး-ထႆး၊ ပေႃးဢဝ်ၸိုင်ႈမိူင်းၼႂ်းလူၵ်ႈ/ လုမ်ႈ ၾႃႉႁပ်ႉႁွင်းမၵ်းမၼ်ႈဝႆႉၸိုင်ႈမိူင်းယၢမ်းလဵဝ် ပဵၼ်လႅၼ်လိၼ်မိူင်းထႆး-ၸိုင်ႈမိူင်းႁူမ်ႈတုမ်မႅၼ်ႇမႃႇ။ လွႆတႆးလႅင်း ငဝ်ႈၸိုင်ႈၶွင်ႇသီႇဢဝ်ၶိုၼ်းၸိုင်ႈတႆး (RCSS) ယၢမ်းလဵဝ်ၼႆႉ တိတ်းဢိူမ်ႈၸပ်းဝႆႉလႅၼ်လိၼ်တႆး-ထႆးသေ တေႃႇၼႃႈဝၢၼ်ႈပၢင်ၶၢမ်း ၸႄႈဝဵင်းပၢင်မၢၵ်ႇၽႃႈ ၸႄႈတွၼ်ႈမႄႈႁွင်ႈသွၼ် မိူင်းထႆးတွၼ်ႈၼိူဝ် (ပွတ်းႁွင်ႇ)။ တွၼ်ႈမိူင်းတႆး ပဵၼ်ၼႂ်းၸႄႈဝဵင်းမိူင်းပၼ်ႇ...