လိၵ်ႈလၢႆးၵႂၢမ်းလၢတ်ႈ ပဵၼ်သၢႆၸႂ်ၸိူဝ်ႉၸၢတ်ႈၶိူဝ်းၵူၼ်း

ၾၢင်ႁၢင်ႈမိူင်းၼိုင်ႈလုၵ်ႈ ၶိူဝ်းၵူၼ်းၼိုင်ႈၶိူဝ်းၼၼ်ႉ တၵ်းတိုၼ်းမီးပိုၼ်ႉတီႈၼႃႈလိၼ်တီႈၵိူတ်ႇပဵၼ်လႄႈ ၽႃးသႃ လိၵ်ႈလၢႆး ၵႂၢမ်းလၢတ်ႈ ၾိင်ႈငႄႈ ပဵၼ်ၶွင်တူဝ်ၵဝ်ႇႁင်းၶေႃၵွၼ်ႇၸင်ႇတဵမ်ယူင်ႉၶၢပ်ႈ ၵၢၼ်ပူၵ်းပွင် ၸူဝ်ႈၸၢတ်ႈပၢၼ်တူဝ်ၵဝ်ႇ ဢိၵ်ႇတင်း ၵၢၼ်မၢၵ်ႈမီး ပၢႆးပၺ်ၺႃ ပၢႆးၶိူင်ႈၸၢၵ်ႈ လႄႈထဵၵ်ႉၼူဝ်ႊၵျီႊ ပၢႆးသၢႆႊ ၼၼ်ႉၵေႃႈ တၵ်းမီးဢမ်းၼၢၸ်ႈၶိုင်ပွင်ႁဵတ်းသၢင်ႈလႆႈၵမ်ႈၸႂ်ၵမ်ႈတူဝ်ၵွၼ်ႇၸင်ႈတေတမ်းဝၢင်းၽႅၼ် ပူသိူဝ်ႇ ပိုၼ်ႉထၢၼ်မၼ်ႈၵႅၼ်ႇၼႅၼ်ႈၼႃၵွၼ်ႇ ၸင်ႇတေၸၢင်ႈႁဵတ်းႁႂ်ႈၸိူဝ်ႉၸၢတ်ႈဝၢၼ်ႈမိူင်းၶိူဝ်းၵူၼ်းၸဝ်ႈၵဝ်ႇ ၶိုၼ်ႈယႂ်ႇလႆႈ။ ၵူၺ်းၵႃႈ ပေႃးႁဝ်းယင်းမႅတ်ႇပႅင်းပႂ်ႉပႃးႁၵ်ႉသႃ ၾိင်ႈငႄႈ...