ၶိူင်ႈမိၼ်တၢင်ႇၵူၼ်းဝႆႈၽြႃး တီႈမိူင်းဢိၼ်ႊတီႊယိူဝ်ႊလမ်းၼိုင်ႈ ယၢတ်ႇတူၵ်းထႅင်ႈတီႈသၼ်လွႆႁိမဝၼ်ႊတႃႇ ၵူၼ်းၶီႇၵႂႃႇၸွမ်း 7 ၵေႃႉ ပႃးလုၵ်ႈဢွၼ်ႇၵေႃႉၼိုင်ႈ လူႉတၢႆသဵင်ႈ ဝႃႈၼႆ။ ဝၼ်းတီႈ 15/06/2025 ၼႆႉ မိူဝ်ႈၶိူင်ႈမိၼ် ၽွင်းလုၵ်ႉတီႈ ၵျွင်းၽြႃးၵီႊတႃႊၼႅတ်ႉ ၸႄႈမိူင်းဢုတႃႊရႃႊၶၢၼ်ႊ မိၼ်ၶိုၼ်ႈၵႂႃႇ လႆႈပဵၼ်ၽေးၵိုင်ႉၵၢင်ႉယၢတ်ႇတူၵ်းသေ ၾႆးမႆႈ၊ ႁဵတ်း ႁႂ်ႈၵူၼ်းလူႉတၢႆၵႂႃႇတင်းသဵင်ႈ ဝႃႈၼႆ။ ၵျွင်းၽြႃး ၵီႊတႃႊၼႅတ်ႉၼႆႉ မီးဝႆႉတီႈတၢင်းသုင် 3,584...