ယွၼ်ႉသင်လုၵ်ႈဢွၼ်ႇမိူင်းႁူမ်ႈတုမ်မၢၼ်ႈ ဢွၵ်ႇႁူင်းႁဵၼ်းၼမ်လိူဝ်ပိူၼ်ႈမိူင်းၼိုင်ႈၼႂ်းလုမ်ႈၾႃႉ

ၸၢတ်ႈၸိုင်ႈလုမ်ႈၾႃႉမၵ်းမၼ်ႈဝႆ့ဝႃႈၵူၼ်းၵူႈၵေႃႉ တၵ်းတေလႆႈၶဝ်ႈထိုင်ပၢႆးပၺ်ၺႃ။ သုၼ်ႇလႆႈပၢႆးပၺ်ၺႃၼႆ့ တၵ်းတေလႆႈႁပ်ႉႁွင်းပၼ် လူၺ်ႈဢမ်ႇၸႅၵ်ႇယႅၵ်ႈၸိူဝ်ႉၶိူဝ်း၊ သီၽိဝ်၊ ၽႃႇသႃႇ၊ သႃႇသၼႃႇ လႄႈ ၸၢႆးယိင်း။ ၵူႈၸိုင်ႈမိူင်းမီးပုၼ်ႈၽွၼ်းႁႄႉၵင်ႈ၊ ၼပ်ႉယမ် လႄႈ ပူၵ်းပွင်တႃႇႁႂ်ႈၵူႈၵေႃႉၼႂ်းၸိုင်ႈမိူင်းမီးပၢႆးပၺ်ၺႃ။ သင်ဝႃႈလူင်ပွင်ၸိုင်ႈ ၸိုင်ႈမိူင်းၼၼ်ႉၼၼ်ႉ ပူၼ်ႉပႅၼ်သုၼ်ႇလႆႈၼႆ့ၸိုင် တၵ်းတေလႆႈၺႃးတူတ်ႈတၢမ်ႇ ၼႆယဝ်ႉ။ ၵူၺ်းၵႃႈမိူင်းႁူမ်ႈတုမ်မၢၼ်ႈၼႆ့သမ်ႉ ပဵၼ်မိူင်းဢၼ်လုၵ်ႈဢွၼ်ႇဢွၵ်ႇႁူင်းႁဵၼ်းၼမ်လိူဝ်ပိူၼ်ႈမိူင်းၼိုင်း ၼႂ်းလုမ်ႈၾႃႉဝႃႈၼႆယဝ်ႉ။ လုၵ်ႈဢွၼ်ႇဢၼ်ဢွၵ်ႇႁူင်းႁဵၼ်းၼမ်လိူဝ်ပိူၼ်ႈၼၼ်ႉ ပဵၼ်လုၵ်ႈဢွၼ်ႇဢၼ်ယူႇၼႂ်းၸႄႈမိူင်းၸၢဝ်းၶိူဝ်း။ မိူင်းမွၼ်း၊...