တႄႇဢဝ် ႁူဝ်လိူၼ်ၵျူႊလၢႆႊၼႆႉမႃး ပၢင်တိုၵ်းသိုပ်ႇပဵၼ်ၼႂ်းၸိုင်ႈတႆးပွတ်းႁွင်ႇလၢႆတီႈ မိူၼ်ၼင်ႇ မိူင်း မိတ်ႈ ၊ ၼွင်ၶဵဝ် ၊ လႃႈသဵဝ်ႈ ၊ မိူင်းယႆ ၸိူဝ်းၼႆႉ ၵူၼ်းမိူင်းသၢမ်ပၢၼ်ၸဵတ်းသႅၼ်း လႆႈပၢႆႈၽေးသိုၵ်း။ ၸိူဝ်းတိုၵ်ႉၼုမ်ႇတိုၵ်ႉၵမ် မီးဢဵၼ်မီးႁႅင်းတႄႉ ပၢႆႈလႆႈလၼ်းၵၼ်းသေတႃႉ ၸိူဝ်းဢႃယုသုင်၊ ၵူၼ်း မီးတၢင်းပဵၼ် ၸိူဝ်းၼႆႉသမ်ႉ တေယူႇၵေႃႈၵူဝ်တၢႆ တေပၢႆႈၵေႃႈသမ်ႉၵိၼ်းၸႂ်။...

မႄႈလုၵ်ႈဢွၼ်ႇလႅင်ၵူၼ်းမိူင်းဝဵင်းၼွင်ၶဵဝ် လႆႈပၢႆႈၽေးပၢင်တိုၵ်းသိုၵ်းသိူဝ်  ႁွႆးၽႃႇတတ်းၵိူတ်ႇလုၵ်ႈၸဵပ်းယဵၼ်းၶိုၼ်း လူဝ်ႇတၢင်းၸွႆႈထႅမ်ႁၢဝ်ႈႁႅင်း။ ၽူႈၸွႆႈထႅမ်ၵူၼ်းပၢႆႈၽေးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ပၢင်တိုၵ်းၵေႃႈ ပဵၼ်ယူႇဢမ်ႇထၢတ်ႇ ၊ သိုၵ်းသမ်ႉ မႃးၸႂ်ႉၵူၼ်းမိူင်းပၢႆႈဢွၵ်ႇဝၢၼ်ႈ။ မႄႈလုၵ်ႈဢွၼ်ႇလႅင်သမ်ႉ ဢမ်ႇၸၢင်ႈပၢႆႈ။ ၵမ်ႈၽွင်ႈၽႃႇၵိူတ်ႇဢဝ်ၸိူဝ်းၼၼ်ႉ တေၵႂႃႇမႃးၼႂ်းႁေႃၼႂ်းႁိူၼ်း ယင်းၵိၼ်းၸႂ်။ ၵမ်းၼႆႉ သိုၵ်းသမ်ႉဝႃႈ ပေႃးဢမ်ႇပၢႆႈ တေယိုဝ်း။ လွၵ်ႇငိုတ်းႁႂ်ႈၵူဝ်ၵေႃႈ ၵႃႈလႆႈဢွၵ်ႇယၢၼ်ႁိူၼ်းဢေႃႈ ” -...