မူႇပိူင်ပိုၼ်ႉငဝ်ႈ (ဢမ်ႇၼၼ်) သဵၼ်ႈတၢင်းပၢႆးမိူင်း ဢၼ်ၸိုင်ႈမိူင်းႁႅၼ်းတမ်းဝႆႉ

တီႈဢၼ်ၶဵၼ်ႇတႅမ်ႈႁႅၼ်းတမ်းလၵ်းမိူင်းၼႆႉ ပိူင်ၾၢင်လမ်ႇလွင်ႈဢၼ်ၼိုင်ႈတႄႉ ပဵၼ် "မူႇပိူင်ပိုၼ်ႉငဝ်ႈ" လၵ်းမိူင်းဢၼ်ၼၼ်ႉ ၵူၺ်းယဝ်ႉ။ မူႇပိူင်ပိုၼ်ႉငဝ်ႈဢၼ်ၼႆႉ ၸီႉၸႅင်ႈၼႄ ႁၢင်ႈၾၢင်ၵေႃႇတင်ႈၸိုင်ႈမိူင်း ၼိုင်ႈဢၼ် ၵူၺ်းဢမ်ႇၵႃး ၸႅင်ႈၼႄပႃးပိူင် ပၢႆးမိူင်း ဢၼ်ၸိုင်ႈမိူင်းၼၼ်ႉလိူၵ်ႈဝႆႉၼၼ်ႉၽွင်ႈယဝ်ႉ။ လဵပ်ႈႁဵၼ်းလွင်ႈ "မူႇပိူင်ပိုၼ်ႉငဝ်ႈ" လၵ်းမိူင်းၸိုင်ႈမိူင်းၼိုင်ႈဢၼ်သေ ၸၢင်ႈၸႅၵ်ႇႁူႉလႆႈဝႃႈ ၸိုင်ႈမိူင်းဢၼ်ၼၼ်ႉ ပဵၼ်ၸိုင်ႈမိူင်းဢၼ်ယင်ႇပိုၼ်ႉတီႈ ပိူင်သူဝ်ႇသျႄႇလိတ်ႉ ႁိုဝ်၊ ပိူင်ၶွမ်ႇမိဝ်ႇၼိတ်ႉႁိုဝ်၊ ပိူင်ၻီႇမူဝ်ႇၶရေႇၸီႇႁိုဝ်...