မူတၢႆၼမ်

မူတၢႆၼမ် ၼႂ်းၸႄႈဝဵင်းလၢႆးၶႃႈ၊ ၵမ်ႈၽွင်ႈပႅတ်ႈမၢၵ်ႇမိူဝ် ႁဵတ်းႁႂ်ႈၵူၼ်းမိူင်း ၸိူဝ်းယူႇႁိမ်းႁွမ်း မဵၼ်တူႇၼဝ်ႈ။ ယူႇတီႈ ၽူႈမီးပုၼ်ႈၽွၼ်းတုၵ်းယွၼ်း ႁႂ်ႈၾင်ပၼ်လီလီ။ တႄႇဢဝ် ၵၢင်လိူၼ်ၵျုၼ်ႊ 2020 ၼႆႉမႃး မူၼႂ်းၸႄႈဝဵင်းလၢႆးၶႃႈ ပဵၼ်ၵႃႇလ တၢႆၼမ်သေ ၸဝ်ႈၶွင်မူ ဢွၼ်ၵၼ်ပႅတ်ႈ မၢၵ်ႇမိူဝ် ပႅတ်ႈတူၵ်းၼႂ်းမႄႈၼမ်ႉ၊ ၸွမ်းယုမ်း၊ ၸွမ်းၵွင်ယုၵ်းယၵ်း ၸိူဝ်းၼႆႉ၊ ဢမ်ႇဢွၼ်ၵၼ်ၾင်ထူမ်လိၼ်ပႅတ်ႈ။ လွင်ႈၼႆႉ...

တီႈဝဵင်းၵဵင်းတုင်ၼႆႉ မူပဵၼ်ၵႃႇလႃႉတၢႆၼမ်၊ ၵူၼ်းမိူင်းၵမ်ႈၼမ် ဢွၼ်ၵၼ်ဝႄႈၼိူဝ်ႉမူ ၵူဝ်ၸိူဝ်ႉမႅင်းတၢင်းပဵၼ်လၢမ်းၽႄႈထိုင်ၵူၼ်း ဝႃႈၼႆ။ “မူတီႈၵဵင်းတုင်ၼႆႉ တႄႇပဵၼ်ၵႃႇလႃႉတၢႆမႃးၸဵမ်မိူဝ်ႈလိူၼ်ၵျူႊလၢႆႊပူၼ်ႉမႃး။ ပဵၼ်ၾၢင်ႁၢင်ႈၼၢဝ်၊ ဢမ်ႇယူႇလီ၊ ငဝ်သေလူမ်ႉတၢႆ။ ဢၼ်တၢႆၼႆႉၵမ်ႈၼမ်ပဵၼ်မူလမ်။ တီႈၶွၵ်ႈမူဢၼ်ပိူၼ်ႈလဵင်ႉၶၢႆ မိူၼ်ၼင်ႇတၢင်းဝၢၼ်ႈၵၢတ်ႇၾႃႉၼၼ်ႉ မူပဵၼ်တၢင်းပဵၼ်တင်းၶွၵ်ႈ တင်းၶွၵ်ႈ။ ၵူၼ်းၵဵင်းတုင် ဝႄႈၼိူဝ်ႉမူဝႆႉ ယွၼ်ႉဝႃႈမူပဵၼ်တၢင်းပဵၼ်သင်တႄႉတႄႉဢမ်ႇႁူႉ။ လၢၼ်ႉၶဝ်ႈၽၵ်းမၢင်လၢၼ်ႉ ယင်းဢမ်ႇၶၢႆပႃးၼိူဝ်ႉမူ ”- ၸၢႆးမႂ်ႇ ၵူၼ်းၵဵင်းတုင်လၢတ်ႈ။ ၾၢႆႇၼိုင်ႈၵေႃႈ ယူႇတီႈႁူဝ်ၼႃႈၵၢတ်ႇ(...