ပၢင်လိူၵ်ႈတင်ႈပွၵ်ႈၵမ်း 2 ၼႆႉ တီႈၼင်ႈတႅၼ်းၽွင်းၵူၼ်းမိူင်း မီးတႃႇ 52 တီႈ ၾၢႆႇၶွမ်ႊမသျိၼ်ႊၵမ်ၵၢၼ် ပၢင်လိူၵ်ႈတင်ႈ မိူင်းႁူမ်ႈတုမ် ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ ၼေႃႇ ၽွင်းတႅၼ်းပႃႇတီႇသၢင်ႇသီႈ USDP ပေႉပၢင်လိူၵ်ႈတင်ႈဝႆႉတႃႇ 44 ၵေႃႉ ဝႃႈၼႆ။ ၼေႃႇၽွင်းတႅၼ်း ပႃႇတီႇသၢင်ႇသီႈ ၸိူဝ်းဢွင်ႇပေႉပၢင်လိူၵ်ႈတင်ႈ ပွၵ်ႈၵမ်း 1 ၼၼ်ႉသေ လႆႈဝႆႉတီႈၼင်ႈၼႂ်းလုမ်းသၽႃးၵူၼ်းမိူင်း...

ႁူဝ်ပဝ်ႈလူင် RCSS/SSA ၸွမ်သိုၵ်းလူင်ယွတ်ႈသိုၵ်း တွပ်ႇလၢတ်ႈတီႈသိုဝ်ႇၶၢဝ်ႇထႆး ဝႃႈ ပၢင်လိူၵ်ႈတင်ႈ 2020 ပႃႇတီႇၼူၵ်ႉယုင်း NLD ပေႉပုၼ်ႈၵိၼ်ၶၢတ်ႇ ယွၼ်ႉၵူၼ်းမိူင်းမိူဝ်ႇၸၢၼ်ႈ ပႃႇတီႇသၢင်ႇသီႈ USDP ၸဝ်ႈဢႃႇၼႃႇသိုၵ်း ၽွင်းငမ်းဝၢၼ်ႈမိူင်း။ ယူႇတီႈသိုဝ်ႇထႆး ThaiPBS North ဢွၵ်ႇၼႂ်းငဝ်းႁၢင်ႈသဵင် (TV) မိူဝ်ႈဝၼ်းတီႈ 17/11/2020 ၼၼ်ႉ ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈ...