ပၢႆးပၺ်ၺႃၶွင်လုၵ်ႈဢွၼ်ႇၸွမ်းလႅၼ်လိၼ်

  တေႃႇထိုင်ယၢမ်းလဵဝ် ယင်းဢမ်ႇပႆႇမီးၽူႈၼမ်းဝၢၼ်ႈမိူင်း ႁိုဝ် ၼၵ်ႉၵၢၼ်မိူင်းၵေႃႉလႂ်ဢွၵ်ႇမႃးလၢတ်ႈထိုင် လွင်ႈတႃႇတေၵႄႈလိတ်ႈပၼ်ႁႃပၢႆးပၺ်ၺႃလုၵ်ႈဢွၼ်ႇ ဢၼ်ၽၢၼ်မိူင်း ဢၼ်ယူႇၸွမ်းလႅၼ်လိၼ်တႆး-ထႆး သေၵေႃႉ။ ယူႇတီႈလူင်ပွင်ၸိုင်ႈထႆးသေ မိူဝ်ႈလဵဝ်မီးလုၵ်ႈဢွၼ်ႇ ဢၼ်ယူႇၸွမ်းလႅၼ်လိၼ်သေ ဢမ်ႇမီးဝတ်းဝႂ်တဵမ်ထူၼ်ႈၼၼ်ႉ မီးယူႇမွၵ်ႈ 400,000 ၵေႃႉပၢႆ။ ၼႂ်းၼၼ်ႉ လုၵ်ႈဢွၼ်ႇတႆး ၶႂ်ႈဝႃႈပဵၼ်ၶိုင်ႈပၢႆလူးၵွၼ်ႇ။ လုၵ်ႈဢွၼ်ႇၸိူဝ်းၼႆႉၵေႃႈ ထုၵ်ႇလီႁပ်ႉႁွင်း သုၼ်ႇလႆႈသုၼ်ႇပဵၼ်လႄႈ လွင်ႈႁူမ်ႇလူမ်ႈ ယွၼ်ႉၶဝ်ႈၵေႃႈပဵၼ်ၵူၼ်းၼိုင်ႈၵေႃႉၼင်ႇၵဝ်ႇၼႆယူႇ။ ၵူၼ်းၵူႈၵေႃႉ ဢမ်ႇဝႃႈယူႇတီႈလႂ်...