ပၢင်လိူၵ်ႈတင်ႈသွမ်ႈ လမ်ႇလွင်ႈၵူႈသဵင် တႃႇသုၼ်ႇလႆႈသုၼ်ႇပဵၼ်တႆး

ပေႃးထႅင်ႈသွင်ဝူင်ႈ တေပဵၼ်ပၢင်လိူၵ်ႈတင်ႈသွမ်ႈ ဢၼ်ႁွင်ႉဝႃႈ By election တႃႇပီ 2018 ၼႆႉယဝ်ႉ။ ၼႂ်းၼၼ်ႉ ၵူၼ်းၶိူဝ်းတႆးၼႂ်းတိူင်းတႃႈလိူဝ်ႇ တေလႆႈလိူၵ်ႈတင်ႈၶုၼ်ၽွင်း ၾၢႆႇၸၢဝ်းၶိူဝ်းတႆး ဢၼ်တေၶဝ်ႈပဵၼ်လုၵ်ႈၸုမ်းလူင်ပွင်ၸိုင်ႈ တိူင်းတႃႈလိူဝ်ႇ။ ယဝ်ႉၵေႃႈၵူၼ်းမိူင်းၼႂ်းၸႄႈဝဵင်းလၢႆးၶႃႈသမ်ႉ တေလႆႈလိူၵ်ႈတင်ႈၽူႈတႅၼ်းၽွင်းၵူၼ်းမိူင်း ဢၼ်တေၶဝ်ႈႁူမ်ႈပၢင်ၵုမ်လုမ်းတႅၼ်းၽွင်း ၸၼ်ႉမိူင်းႁူမ်ႈတုမ် တီႈၼေႇပျီႇတေႃႇၼၼ်ႉၼႆ ႁူႉငိၼ်းၵၼ်ဝႆႉယူႇၶႃႈၼေႃႈ။ တီႈၼႆႈ ႁဝ်းၶႃႈၶႂ်ႈဢုပ်ႇၸွမ်းတူၺ်း ဢႃႇၼႃႇၼႆႉလုၵ်ႉတီႈၵူၼ်းမိူင်းလူင်းမႃးဢၼ်ဝႃႈၼၼ်ႉ ႁဵတ်းႁိုဝ်လႄႈ မၼ်းလႆႈတႅင်ႇၶေႃႈၵႂၢမ်းၸိူင်ႉၼၼ်သေဢွၵ်ႇမႃး။...