ပေႃးၵိၼ်ယႃႈမႃႉၸၢင်ႈပဵၼ်သင် ၵူၼ်းၵိၼ်ယႃႈၾၢင်ႁၢင်ႈပဵၼ်ၸိူင်ႉႁိုဝ်?

ၶဝ်ႈၸိုဝ်ႈဝႃႈယႃႈမဝ်းၵမ်တင်းလၢႆၼႆႉ ပေႃးဝႃႈမီးလွင်ႈၸႂ်ႉတိုဝ်း/သူႇ/သမ်း/ၵိၼ်ၵေႃႈ တိုၼ်းမီး လွင်ႈတုမ်ႉတိူဝ်ႉ တေႃႇတူဝ်တင်းၸႂ် ၵူၼ်းႁဝ်းယဝ်ႉ။ ႁဵတ်းႁႂ်ႈၾၢင်ႁၢင်ႈလၵ်ႉၶၼႃႇလႄႈ လွင်ႈႁဵတ်းတၢင်းသၢင်ႈ တၢင်းယၢမ်ႈ ၵူၼ်းၵေႃႉသူႇသမ်းၵိၼ်ယႃႈၼၼ်ႉ ပိူင်ႈပႅၵ်ႇလၢၵ်ႇလၢႆးလိူဝ်ၵူၼ်းပၵတိဝႆႉယူႇယဝ်ႉ။ ပေႃးၵိၼ်ယႃႈမႃႉၸၢင်ႈပဵၼ်သင်? ၵူၼ်းၸိူဝ်းတိတ်းၸပ်းယႃႈမႃႉၼၼ်ႉ မီးၾၢင်ႁၢင်ႈသွင်ပိူင်- မိူဝ်ႈဢမ်ႇလႆႈၵိၼ်ပဵၼ်ပိူင်ၼိုင်ႈ ပေႃးလႆႈၵိၼ်ယဝ်ႉ ပဵၼ်ပိူင်ၼိုင်ႈ။- (1)မိူဝ်ႈဢမ်ႇလႆႈၵိၼ်ယႃႈၼၼ်ႉ မီးပိူင်ၾၢင်ႁၢင်ႈႁိူဝ်ႉဢူၼ်ႈၼူၼ်းမွႆႈႁၢႆႉႁႅင်း၊ သဝ်ႈငဝ်၊ ၸႂ်သၼ်ႇ၊ ၸႂ်ဢမ်ႇၼိမ်၊ ၸႂ်ပိတ်း ၸႂ်ပွတ်း ၸႂ်ႁၢႆႉ၊ ဢွၵ်းဢေႃႁဵတ်းၵၢၼ်ၽိတ်းပၵတိ၊ ၵႂင်ၵႂင်ၵႃးၵႃး၊...