ပိူင်ၽွတ်ႈႁႅၼ်းၸုမ်းလူင်ပွင်ၸိုင်ႈ (Form of Government)

“ပိူင်ၽွတ်ႈႁႅၼ်းၸုမ်းလူင်ပွင်ၸိုင်ႈ” ဢၼ်ပိုတ်ႇၸႅင်ႈၼႄဝႆႉ ၼႂ်းလၵ်းမိူင်း (ပိူင်ငဝ်ႈပိုင်းမိူင်း)ၼႆႉ ဢမ်ႇၸႂ်ႈဝႃႈ မၢႆထိုင် ၸုမ်းလူင်ပွင်ၸိုင်ႈ ဢၼ်ယိပ်းၸႂ်ႉဢႃႇၼႃႇၾၢႆႇၽွင်းငမ်းယူႇၼၼ်ႉၵူၺ်း။ မၼ်းၸီႉၸႅင်ႈၼႄဢၼ်ဝႃႈ ၾၢႆႇႁႅၼ်းၾိင်ႈမိူင်း၊ ၾၢႆႇၽွင်းငမ်းလႄႈ ၾၢႆႇတွၼ်ႇၾိင်ႈ(လုမ်းတြႃး)ၶဝ် တင်းသၢမ်ဢၼ်သၢမ်ၾၢႆႇ ႁဵတ်းႁိုဝ်ယိပ်းၸႂ်ႉဢႃႇၼႃႇ ၸိူဝ်းၼႆႉတင်းသဵင်ႈယဝ်ႉ။ တီႈပိူင်ၸဝ်ႈပိူင်ႇၾႃႉငမ်းလိၼ် လႄႈ ပိူင်ၸဝ်ႈဢႃႇၼႃႇၶဝ်တႄႉ ဢႃႇၼႃႇႁႅင်းပွင်တင်းသၢမ်ၾၢႆႇၼႆႉ ႁုပ်ႈႁူမ်ႈၵၼ်မီးဝႆႉတီႈၼႂ်းမိုဝ်း ၶုၼ်ႁေႃၶမ်းလႄႈ ၸဝ်ႈဢႃႇၼႃႇၶဝ်ၵူၺ်းယဝ်ႉ။ တီႈပၢၼ်မိူင်းမႂ်ႇၸင်ႇၼႆႉတႄႉ လႆႈၸႅၵ်ႇၽႄဢႃႇၼႃႇသၢမ်ၾၢႆႇၼၼ်ႉသေ ယိပ်းၸႂ်ႉယဝ်ႉ။...