တွၼ်ႈတႃႇဝူင်ႈၼႆႉ ႁဝ်းၶႃႈဢဝ်ႁူဝ်ၶေႃႈဢၼ်ဝႃႈ ပိူင်ပိုင်းၸႄႈမိူင်းလႄႈလၵ်းမိူင်း 2008 ဢၼ်ဝႃႈၼၼ်ႉသေ မႃးဢုပ်ႇၸွမ်းၵႂႃႇ ဢိတ်းၼိုင်ႈ။ ၼႂ်းၶၢဝ်းၶိဝ်းဝူင်ႈဝၢင်ႈၼႆႉ မီးၵူၼ်းၸုမ်းသွင်ၸုမ်းဢွၼ်ၵၼ်တူင်ႉၼိုင်ႁဵတ်းသၢင်ႈဝႃႈ လုၵ်ႉတီႈပၢင်ၵုမ် UPDJC ၸုမ်းၽူႈၼမ်းၼႂ်း ဢၼ်ပဵၼ်ၸုမ်းပွင်ၵၢၼ်သၢင်ႈလွင်ႈငမ်းယဵၼ်ၼၼ်ႉ ႁဵတ်းပၢင်ၵုမ်တႅပ်းတတ်းမႃးဝႃႈ ၵူႈၸႄႈမိူင်းၽႂ်မၼ်းၼႆႉ မီးသုၼ်ႇတႃႇတေ ၶႅၼ်ႇတႅမ်ႈပၵ်းပိူင်လၵ်းမိူင်း မိူင်းၽႂ်မၼ်းယဝ်ႉၼႆသေ ႁွင်ႉႁူပ်ႉပေႃႈမႄႈၵူၼ်းမိူင်းၸိူဝ်းၼၼ်ႉၵေႃႈ ႁဝ်းၶႃႈလႆႈငိၼ်းမႃး။ တီႈတႄႉမႃးပိူင်ပိုင်းၸႄႈမိူင်းၼႆႉ မီးသုၼ်ႇၶဵၼ်ႇတႅမ်ႈယဝ်ႉႁႃႉဢၼ်ဝႃႈၼၼ်ႉ ပေႃးမႃးထတ်းသၢင်တူၺ်းလီငၢမ်းၼႆ တေႃႇထိုင် ဝၼ်းမိူဝ်ႈၼႆႉတိုၼ်းပႆႇမီးသုၼ်ႇ ပိူဝ်ႈတႃႇတေၶဵၼ်ႇတႅမ်ႈ...