ပိဝ်

ႁူင်းႁဵၼ်းပရႁိတ ၼွင်ၽႃ ဝဵင်းၶူဝ်လမ် (ၵျွင်းၶူးဝႃးဝုၼ်းၸုမ်ႉ) ၸိုင်ႈတႆးပွတ်းၸၢၼ်းၺႃးလူမ်းလႅင်ႉၽတ်ႉပဝ်ႇလႄႈ လင်ၶႃးႁူင်းႁဵၼ်းပိဝ် ၊ လုၵ်ႈႁဵၼ်း လႄႈၶူးသွၼ် ယၢပ်ႇၽိုတ်ႇတႃႇယူႇသဝ်းၵိၼ်သၢင်ႈ ႁဵၼ်းလိၵ်ႈလၢႆး။ လူမ်းလႅင်ႉၽတ်ႉပဝ်ႇမိူဝ်ႈဝႃးဝၼ်းတီႈ 11/4/2021 ယၢမ်းဝၢႆးဝၼ်း 3 မူင်းပၢႆ။ တင်းၾူၼ်တင်းလူမ်းလႄႈႁဵတ်းႁႂ်ႈလင်ၶႃးႁူင်းႁဵၼ်းပိဝ်မူတ်း လုၵ်ႈႁဵၼ်းလႆႈၶၢႆႉၵႂႃႇယူႇသဝ်း သွၼ်ႁဵၼ်းလိၵ်ႈတီႈ တိူၵ်ႈလိၵ်ႈထႅင်ႈလင်ႈၼိုင်ႈ။ ၸၢႆးၼုမ်ႇၵူၼ်းၶူဝ်လမ်လၢတ်ႈတီႈၽူႈတွႆႇႁွၵ်ႈဝႃႈ - “လႆႈဝႃႈပဵၼ်ၾူၼ်လူင်လူမ်းလႅင်ႉလူင်ၶႃႈဢေႃႈမိူဝ်ႈဝႃးၼႆႉတႄႉ ။ မၢၵ်ႇႁဵပ်းၵေႃႈတူၵ်းဢေႃႈ။ ဢၼ်လူႉသုမ်းၼမ်တႄႉလင်ၶႃးႁူင်းႁဵၼ်းပိဝ်မူတ်း၊...

ၾူၼ်လူင်လူမ်းလႅင်ႉၽတ်ႉပဝ်ႇႁၢဝ်ႈႁႅင်း ၼႂ်းဝၢင်း ဝတ်ႉၵျွင်းလူင်ၼႃးဢၢႆႈၶၢၼ်ႉ ၸႄႈဝဵင်းၵျွၵ်ႉမႄး ၶူဝ်းၶွင်သႃႇသၼႃႇလူႉၵွႆတင်းၼမ်၊ ၸဝ်ႈၽူႈၵူၼ်းလီမီးၸေႇတၼႃႇ ႁူမ်ႈလူႇႁွမ်းတၢၼ်းလႆႈ တႃႇမႄးၵုမ်းလုမ်းလႃး။ မိူဝ်ႈဝၼ်းတီႈ 11/5/2020 ဝၢႆးဝၼ်းယၢမ်း 14:30-14:37 မူင်းၼၼ်ႉ ၾူၼ်လူင်လူမ်းလူင် ပႃးတင်း မၢၵ်ႇႁဵပ်း ၽတ်ႉပဝ်ႇႁၢဝ်ႈႁႅင်း ၼႂ်းဢိူင်ႇၼႃးဢၢႆႈၶၢၼ်ႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ၊ ႁဵတ်းႁႂ်ႈဝတ်ႉၵျွင်းလူင်ၼႃးဢၢႆႈၶၢၼ်ႉ၊ ၸလွပ်ႈၼၢႆးသိလ် (သႃလႃး)၊ သိုင်ႇႁွင်ႈမိုဝ်ႉၵႅင်၊ ထၢင်ၽၢႆႈ...