တႆးတႅၵ်ႇပဵၼ်လၢႆၶိူဝ်း ၸိူဝ်းႁဝ်းယဵၼ်းပဵၼ်ၵူၼ်းၶိူဝ်းဢွၼ်ႇဝၼ်းၼႆႉ

ၵူၼ်းၶိူဝ်းဢၼ်ၸႂ်ႉၸိုဝ်ႈတူဝ်ၼမ်းၼႃႈဝႃႈ “တႆး” ၼႆၼပ်ႉသွၼ်ႇႁူဝ်ၵူၼ်း ဢၼ်မီးယူႇၼႂ်းလူၵ်ႈၼႆႉၼပ်ႉပဵၼ် ပၢၵ်ႇလၢၼ်ႉယူႇ။ ႁူမ်ႈဝႃႈ ၸႂ်ႉတိုဝ်းလိၵ်ႈၽႂ်လၢႆးမၼ်းၸွမ်းပိုၼ်ႉတီႈဢွင်ႈတီႈၶွင်ၽႂ်ၶွင်မၼ်းသေတႃႉ လူၺ်ႈ ဢၼ်ပႅၵ်ႇပိူင်ႈၵၼ် ငၢႆးၵၼ် မိူၼ်ၵၼ်မီးယူႇၼႆၵေႃႈ ထွႆႈၵႂၢမ်းလၢတ်ႈၵမ်ႈၼမ်ယင်းတိုၵ်ႉမိူၼ်ၵၼ် ပွင်ႇၵၼ်ယူႇ ႁူမ်ႈဝႃႈ တူၼ်းသဵင် လမ်ႇသဵင် မၢင်ၶေႃႈမၢင်ထွႆႈၵႂၢမ်း သဵင်လွင်ႈမၼ်းပိူင်ႈဢိတ်းပိူင်ႈဢီႈၵေႃႈ ႁူႉပွင်ႇၵႂၢမ်းမၢႆ လႆႈလီယူႇ။ ၼႂ်းသၢႆႁိူဝ်ႇလိူတ်ႈၶႆးၸိူဝ်ႉၶိူဝ်းတႆး ၵၢၼ်ဢွၵ်ႇသဵင်ဢမ်ႇမိူၼ်ၵၼ်လႆႈသဵင်ႈလႄႈ ႁဝ်းတေမၵ်းဢဝ်သဵင်ဢွၵ်ႇပဵၼ် သဵင်တၢႆတူဝ်ၼႆမၼ်းဢမ်ႇငၢႆႈ။ ၵဵဝ်ႇလူၺ်ႈလွင်ႈတူၼ်းသဵင်ၼႆႉ...