ငဝ်းလၢႆးပီႈၼွင်ႉတႆး

ပီႈၼွင်ႉတႆးႁဝ်း ဢၼ်ၶဝ်ႈႁဵတ်းၵၢၼ်ယူႇၼႂ်းမိူင်းထႆး ၼႂ်းဝၼ်းမိူဝ်ႈလဵဝ်ၼႆႉ တေလႆႈဝႃႈႁူပ်ႉထူပ်းတၢင်း ယၢပ်ႇၽိုတ်ႇတႄႉတႄႉ။ ပိူင်လူင်မၼ်း ပဵၼ်လွင်ႈပၼ်ႁႃဝတ်းဝႂ်ဢၼုၺၢတ်ႈႁဵတ်းၵၢၼ် ဢိၵ်ႇ ၶဝ်ႈမိူင်းၽိတ်းမၢႆမီႈ။ ပေႃးဢမ်ႇမီးဝႂ်ႁဵတ်းၵၢၼ် ထုၵ်ႇမႅၼ်ႈၸိုင် ႁဵတ်းၵၢၼ်ၵေႃႈ လိူဝ်သေလႆႈၵႃႈႁႅင်းဢေႇယဝ်ႉ ပေႃးဝႃႈၸဝ်ႈၼႃႈတီႈထႆး လူင်းၵူတ်ႇထတ်းႁူပ်ႉႁၼ်တီႉၺွပ်းလႆႈၸိုင် ၸၢင်ႈလႆႈတူၵ်းၶွၵ်ႈ ဢမ်ႇၼၼ် ၺႃးမၢပ်ႇမႂ်ငိုၼ်းၼမ်လိူဝ်ႁႅင်း ၼပ်ႉႁူဝ်မိုၼ်ႇဝၢတ်ႇ။ ၵမ်ႈၽွင်ႈၺႃးတီႉၺွပ်းပူၼ်ႉၵႂႃႇဢမ်ႇလၢႆဝၼ်းၵူၺ်း ၺႃးတီႉၺွပ်းထႅင်ႈၵမ်းသွင်၊ ၵမ်ႈၽွင်ႈၺႃးတီႉၺွပ်း ၵုမ်းၶင်တူၵ်းၶွၵ်ႈယဝ်ႉ ဢဝ်မိူဝ်းသူင်ႇတၢင်းလႅၼ်လိၼ်၊ ပဵၼ်ၶၢဝ်းၵိင်းတႆးၼမ်ႉတႃတူၵ်း-မူၵ်းတႃယွႆႉ၊...