ၽဵင်းၵႂၢမ်းၼႆႉ သင်ပဵၼ်ၵေႃႉဢၼ်မေႃႁွင်ႉ ႁႂ်ႈဝၢၼ်ႁူထိုင်ၸႂ်ၼႆၸိုင် ၽူႈလႂ်ၽႂ်ထွမ်ႇၵေႃႈ ၶႂ်ႈသိုပ်ႇထွမ်ႇထႅင်ႈ ၊ ၵေႃႉလႂ်ထွမ်ႇမႅၼ်ႈၵေႃႈ တေၶႂ်ႈႁွင်ႉၸပ်းသူပ်းတိတ်းပၢၵ်ႇၶၢၼ်ပၢဝ်ႇႁွင်ႉၸွမ်းယူႇတႃႇသေႇ။ မိူၼ်ၼင်ႇ ၽဵင်းၵႂၢမ်း ၸၢႆးၸိူင်းႁၢၼ်ၵေႃႈ တေႃႈၼင်ႇၼၼ်-  ၽႂ်လႆႈထွမ်ႇငိၼ်းၵေႃႈ တိုၼ်းႁပ်ႉႁူႉလႆႈဝႃႈ မၼ်းထိုင်ဢူၵ်းထိုင်ၸႂ် ။ မိူဝ်ႈလဵဝ်တႄႉ ဢိင်ၼိူဝ် သင်ၶႃႇရ သၽေႃးတြႃးသေ မၼ်းၸၢႆး သဵင်ႈၵၢမ်ႇသုတ်းမုၼ်ယဝ်ႉ ဢမ်ႇမီးၼႂ်းၶူင်းၵၢင်ယဝ်ႉ။  သင်ပဵၼ်မွၵ်ႇၵေႃႈ...

မိူဝ်ႈဝႃး ဝၼ်းတီႈ 18/06/2025 ယၢမ်းၵၢင်ၼႂ် 6 မူင်းပၢႆ ၸၢႆးၸိူင်းႁၢၼ် ၽူႈတႅမ်ႈ/ ႁွင်ႉၽဵင်းၵႂၢမ်းတႆး ၸိုဝ်ႈသဵင်ယႂ်ႇ ၵိုင်ႉၵၢင်ႉဢမ်ႇယူႇလီသေ လႆႈသူင်ႇယူတ်းယႃတူဝ် တီႈႁူင်းယႃသျေႉသွင်ႇ (ရှေ့ဆောင်) ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆး။ ၼၢင်းမွၼ်းႁွမ် ၵေႃႉပဵၼ်ၼွင်ႉယိင်း ၸၢႆးၸိူင်းႁၢၼ် လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ...