ၵဵတ်ႇလၢၼ်ႇၵဝ်ႇ ဢၼ်တင်ႈဝႆႉတီႈလႅၼ်လိၼ်မိူင်းၶႄႇ-မိူင်းတႆး ၼႂ်းၼႃႈတီႈသိုၵ်းၵဝ်ႈၵၢင်ႉ MNDAA ၵုမ်းၵမ်ဝႆႉ ၼၼ်ႉ ယၢမ်းလဵဝ် ၶိုၼ်းမူၼ်ႉမႄးဝႆႉ တႃႇပိုတ်ႇၶိုၼ်းႁႂ်ႈလႆႈ ဝႃႈၼႆ။ ၼင်ႇႁိုဝ် တေတေႃႉသူင်ႇၶူဝ်းၵုၼ်ႇ ၊ ပၼ်ၵူၼ်းမိူင်းၶဝ်ႈဢွၵ်ႇ ၵႂႃႇမႃးလႆႈ မိူင်းတႆး-မိူင်းၶႄႇ ၶိုၼ်းမိူၼ်ၵဝ်ႇၼၼ်ႉ ၾၢႆႇၸုမ်းသိုၵ်းၶႄႇၵဝ်ႈၵၢင်ႉ MNDAA ႁၢင်ႈႁႅၼ်းတေပိုတ်ႇၶိုၼ်း ၵဵတ်ႉလၢၼ်ႇ ဢၼ်ၵဝ်ႇ - ဢၼ်မႂ်ႇ ၽွမ်ႉၽွမ်ႉမိူဝ်ႈလဵဝ်ၵၼ်...

ၼႂ်းဝၼ်းတီႈ 3 လိူၼ်ၵျႅၼ်ႊၼိဝ်ႊရီႊ ပီ 2026 ၼႆႉ ၶႄႇၵဝ်ႈၵၢင်ႉ MNDAA ပိုၼ်ၽၢဝ်ႇဢွၵ်ႇမႃး ပဵၼ်တၢင်းၵၢၼ်ဝႃႈ ၵႃးလူင် တၢင်ႇဢွႆႈ တၢင်ႇၶဝ်ႈၵၢပ်ႇလႄႈ တၢင်ႇၶူဝ်းႁႆႈၶူဝ်းသူၼ် ၶၢမ်ႈလႅၼ်လိၼ် ဝဵင်းၼမ်ႉၽႃႈ (ၶျိၼ်းသူၺ်ႇႁေႃႇ) ၸိုင်ႈတႆးပွတ်းႁွင်ႇသေ ၶဝ်ႈၾင်ႇမိူင်းၶႄႇ ၵူႈဝၼ်းယဝ်ႉ ဝႃႈၼႆ။ ယၢမ်းလဵဝ် ၵႃးလူင်တၢင်ႇဢွႆႈ ၶဝ်ႈၵၢပ်ႇ တိူဝ်းၼမ်မႃးႁႅင်း။...