ၼႂ်းၶၢဝ်းတၢင်းဝူင်ႈဝၢင်ႈၼႆႉ ၶၼ်ၼမ်ႉမၼ်းၸၢၵ်ႈ ထၢတ်ႈသီႇ၊ တီႇၸႄႇ သိုပ်ႇပုင်ႈၶိုၼ်ႈမႃးထႅင်ႈ ၼိုင်ႈလီႇတႃႇလႂ် ပုင်ႈၶိုၼ်ႈၵႂႃႇ 840 ပျႃး ထိုင် 1,260 ပျႃးပၢႆ ပဵၼ်ၵႃႈၶၼ်ဢၼ်ပႆႇယၢမ်ႈထိုင်ၵႂႃႇမွၵ်ႈၼၼ်ႉ သေပွၵ်ႈ။ ၵႃႈၶၼ်ၼမ်ႉမၼ်းၸၢၵ်ႈ ဢၼ်လူင်ပွင်ၸိုင်ႈသိုၵ်းမၢၼ်ႈယိုတ်းမိူင်း မၵ်းမၼ်ႈဝႆႉပၼ်ၵမ်းဢွၼ်ၼၼ်ႉ ထၢတ်ႈသီႇ သႅၼ်း 92 ၼိုင်ႈလီႇတႃႇ ပဵၼ် 3,610 ပျႃး၊ သႅၼ်း...

ၶၼ်ၵုၼ်ႇပုင်ႈသုင် ပႃးၸဵမ်ၶၼ်ၶဝ်ႈသၢၼ်ၵေႃႈသုင်ၵူႈသႅၼ်း မၢင်ဝဵင်းမၢၼ်ႁၢၼ်ႉဢမ်ႇမီးၶဝ်ႈသၢၼ်တႃႇၶၢႆ ထိုင်တီႈလႆႈပိၵ်ႉႁၢၼ်ႉဝႆႉၵေႃႈမီး။ တႄႇဢဝ်ၼႂ်းၵၢင်ပီ 2022 ၼႆ့မႃး ၶၼ်ၶဝ်ႈသၢၼ် ၼႂ်းမိူင်းမၢၼ်ႈ မိူင်းတႆး ပုင်ႈၶိုၼ်ႈသုင်မႃး။ ၼႂ်းမိူင်းတႆးၼႆ့ 1 ထူင် လုၵ့်တီႈ 3 မိုၼ်ႇ ယၢမ်းလဵဝ်ပုင်ႈသုင်ထိုင် 6 မိုၼ်ႇပျႃးပၢႆ။ ဝဵင်းတီႈဢၼ်ဢမ်ႇပေႃးၽုၵ်ႇၶဝ်ႈၼမ်ၼၼ်ႉ ၶၼ်ၶဝ်ႈသၢၼ်ပုင်ႈၶိုၼ်ႈသုင်ထိုင် 8 မိုၼ်ႇ ၸမ်ထိုင်သႅၼ်ပျႃး။   တီႈႁူင်းသီၶဝ်ႈ(ၶူၵ့်)...