မိူဝ်ႈၼႆႉ ဝၼ်းတီႈ 16 လိူၼ်တီႊသႅမ်ႊပိူဝ်ႊ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဝႃႈ ၽူႈမီးၸၼ်ႉ ၼႂ်းတပ်ႉသိုၵ်းလွတ်ႈလႅဝ်းၶၢင် (KIO) ၵေႃႉၼိုင်ႈလႄႈ ၵူၼ်းၸိူဝ်းႁဵတ်းၵၢၼ်လုၵ်ႉၽိုၼ်ႉ 12 ၵေႃႉ ယႃႉၵဝ်းပၢင်လိူၵ်ႈတင်ႈလႄႈ ပိုတ်ႇလိူင်ႈ ဢဝ်တၢင်းၽိတ်းဝႆႉ ၼႆယဝ်ႉ။ ၵူၼ်းၸိူဝ်းထုၵ်ႇသိုၵ်းမၢၼ်ႈ ပိုတ်ႇလိူင်ႈဢဝ်တၢင်းၽိတ်းဝႆႉလူၺ်ႈပၵ်းပိူင်ၾိင်ႈမိူင်း ၵၢၼ်ယႃႉၵဝ်းပၢင်လိူၵ်ႈတင်ႈၼၼ်ႉ ပဵၼ်ၼႂ်းတပ်ႉၸုမ်းလုၵ်ႉၽိုၼ်ႉ ဢၼ်တူင်ႉၼိုင်ယူႇၼႂ်းမိူင်းတႆးပွတ်းႁွင်ႇ၊ မိူင်းယၢင်းလႅင်၊ မိူင်းၶၢင်၊ မိူင်းမွၼ်း...

ပၢင်လိူၵ်ႈတင်ႈ ဢၼ်တေၸတ်းႁဵတ်းၼႂ်းႁၢင်လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်း ၸုမ်းဢၼ်ၸႂ်ႉ ႁိူဝ်းမိၼ်ၶႃႈႁႅမ်ၵူၼ်းမိူင်း ၸိူဝ်းယူႇသဝ်းၼႂ်းမိူင်းႁူမ်ႈတုမ် လူႉတၢႆၵႂႃႇ ပဵၼ်ၵေႃႇပဵၼ်ၵွင်ၼၼ်ႉ တေၼမ်းၸတ်းၼႆလႄႈ ၵူၼ်းမိူင်းပိုၼ်ႉတီႈ ၼႂ်းၸႄႈတိူင်းၸၵႅင်း မိူင်းမၢၼ်ႈထုင်ႉပဵင်း ဢွၼ်ၵၼ် တႅမ်ႈလိၵ်ႈသၢၼ်ၶတ်း ဢွၵ်ႇၼႄၵၢင်ၸႂ်။ မိူဝ်ႈဝႃးဝၼ်းတီႈ 12 လိူၼ်တီႊသႅမ်ႊပိူဝ်ႊ ၸုမ်းတူင်ႉၼိုင်သၢၼ်ၶတ်းတေႃႇသိုၵ်းမၢၼ်ႈယိုတ်းမိူင်းၼမ်းၼႃႈ ၵူၼ်းမိူင်းၼႂ်းပိုၼ်ႉတီႈသေ ႁူမ်ႈၵၼ်ၸတ်းပၢင်ၼႄၵၢင်ၸႂ် သၢၼ်ၶတ်းပၢင်လိူၵ်ႈတင်ႈၵႂႃႇ ၼႂ်းၸႄႈဝဵင်းယိၼ်းမႃႇပိၼ်ႇ ၼႆယဝ်ႉ။ ၵူၼ်းမိူင်း လႄႈ...