ဝၼ်းတီႈ 6/12/2025 ပူၼ်ႉမႃးၼႆႉ လူင်ပွင်ၸိုင်ႈမိူင်းလၢဝ်း  ၾၢႆႇၽွင်းငမ်းလွင်ႈပၢႆးမၢၵ်ႈမီးၶိုၵ်ႉတွၼ်းသၢမ်ၸဵင်ႇၶမ်း  ပိုၼ်ၽၢဝ်ႇဢွၵ်ႇမႃးဝႃႈ ၽႂ်သူင်ႇၶၢဝ်ႇပၼ်လွင်ႈ “ၽူႈၵဵဝ်ႇၶွင်ႈတင်းၸုမ်းလွၵ်ႇလႅၼ်ၵိၼ်ငိုၼ်းတၢင်းဢွၼ်ႊလၢႆႊ ၵျႃႊၽျႅၼ်ႉ လႄႈၵူၼ်းႁဵတ်းၽိတ်းပၵ်းပိူင်မၢႆမီႈမိူင်းလၢႆးၸိုင် ” တေမီးငိုၼ်းသူး    သုင်သုတ်းထိုင် 100 လၢၼ်ႉၵိပ်ႇ(ငိုၼ်းလၢဝ်း) (ဢၼ်ၵိုင်ႇငၢမ်ႇၵၼ်တင်းငိုၼ်းထႆးမွၵ်ႈ 1 သႅၼ် 5 မိုၼ်ႇဝၢတ်ႇ) ဝႃႈၼႆ။ လိၵ်ႈပိုၼ်ၽၢဝ်ႇဢၼ် ထွႆႈၵႂၢမ်းႁၢဝ်ႈႁၢၼ်ၶူမ်းၽၢႆ ၶွင်ၸုမ်းၵုမ်းၵမ်...

ၸဝ်ႈၼႃႈတီႈ ၾၢႆႇၽဵဝ်ႈမူၺ်ႉယႃႈမဝ်းၵမ် မိူင်းထႆး ပိုၼ်ၽၢဝ်ႇဝႃႈ သၢမ်ၸဵင်ႇၶမ်းၼႆႉ ပဵၼ်တီႈ ႁဵတ်းဢွၵ်ႇယႃႈမဝ်း ၵမ် ၼမ်သုတ်းမၢႆ 2 ၼႂ်းလုမ်ႈၾႃႉ ဝႃႈၼႆ။ ႁွင်ႈၵၢၼ်ၾၢႆႇၽဵဝ်ႈမူၺ်ႉယႃႈမဝ်းၵမ်မိူင်းထႆး ပိုၼ်ၽၢဝ်ႇလၢတ်ႈတီႈ သိုဝ်ႇၶၢဝ်ႇ ၶူမ်ႊၶျတ်ႊလိုၵ်ႊ komchadluek ဝႃႈ - တီႈသၢမ်ၸဵင်ႇၶမ်း ဢၼ်မီးလႅၼ်လိၼ်တိတ်းၸပ်းလၢႆၸိုင်ႈမိူင်း မိူၼ်ၼင်ႇ မိူင်းမၢၼ်ႈ၊ မိူင်းထႆး၊ မိူင်းလၢဝ်း...