ပၢႆႉႁႃသဵင်

မိူဝ်ႈဝႃးဝၼ်းတီႈ 9/10/2020 ပၢႆႉႁၢင်ႈၼေႃႇၽူႈတႅၼ်းပႃႇတီႇႁူဝ်သိူဝ် ဢၼ်တေၶေႉၶဵင်ႇၼႂ်းၸႄႈဝဵင်းၼမ်ႉၶမ်း ဢၼ်ပၵ်းပူၵ်းဝႆႉတီႈဝၢၼ်ႈၵုင်းသႃႇၼၼ်ႉ ၺႃးယႃႉလႅဝ်ပုတ်းႁၵ်း။ ၵဵဝ်ႇၵပ်းလွင်ႈၼႆႉ ၸၢႆးလဵၵ်ႉ ၽူႈၶၢၼ်ပၢၵ်ႇပႃႇတီႇႁူဝ်သိူဝ် SNLD လၢတ်ႈတီႈၽူႈတွႆႇႁွၵ်ႈဝႃႈ - “လွင်ႈပူတ်းပၢႆႉၵၼ် ယႃႉၼႃႈယႃႉတႃၵၼ်ၸိူင်ႉၼႆၼႆႉ မိူၼ်တင်းၼႄဝႃႈ ၵူၼ်းမိူင်းႁဝ်းၶႃႈၼႆႉ ပႆႇယွမ်းႁပ်ႉဢၼ်ဝႃႈ လွင်ႈၸုမ်ႇၵူႈႁိူင်ႈႁၢင်ႇၵၼ် ဢၼ်ဝႃႈ Diversity ၼၼ်ႉၼႆၵေႃႈတေလႆႈဝႃႈ ဝႃႈၶေႃႈၼေႃႈ။ ထႅင်ႈလွင်ႈၼိုင်ႈၵေႃႈ ၵူၼ်းမိူင်းႁဝ်းၼႆႉ ...

ပၢႆႉႁႃသဵင်ပႃႇတီႇၵၢၼ်မိူင်းဢၼ်ပူၵ်းပၵ်းဝႆႉလၢႆလၢႆတီႈ ၼႂ်းၸိုင်ႈတႆးပွတ်းႁွင်ႇ၊ ပွတ်းၸၢၼ်းၼၼ်ႉ ၺႃးယႃႉၵွႆ၊ ပဵၼ်ၼမ်ႉမိုဝ်းၽႂ် ဢမ်ႇႁူႉ။ ဝၼ်းတီႈ 18/9/2020 ယၢမ်းၵၢင်ၶမ်ႈ ပၢႆႉႁႃသဵင်ၼေႃႇၽူႈတႅၼ်းပႃႇတီႇတဢၢင်း TNP ဢၼ်ပူၵ်းပၵ်းဝႆႉၼႂ်းဝဵင်းမိူင်းၵိုင် 3 တီႈ(တၢင်းၼႃႈ မူၺ်ႇတေႃႇမိူင်းၵိုင်တီႈၼိုင်ႈ၊ တီႈဝၢၼ်ႈႁမ်းငၢႆးတီႈၼိုင်ႈလႄႈ တီႈဝၢၼ်ႈပၢင်ႇၵေႇတုတီႈၼိုင်ႈ) ။ မၢႆးၼုမ်းႁၢၼ်း ႁူဝ်ပဝ်ႈပႃႇတီႇတဢၢင်း မိူင်းၵိုင်လၢတ်ႈတီႈၽူႈတွႆႇႁွၵ်ႈဝႃႈ ၽွင်းတိုၵ်ႉၶတ်းၸႂ်တႃႇလွင်ႈၽဵင်ႇပဵင်းပဵၼ်ထမ်းၼၼ်ႉ မီးၵူၼ်းမႃးယႃႉပၢႆႉႁႃသဵင်ပႃႇတီႇတဢၢင်းၼႆႉ ပဵၼ်ဢၼ်လီလႆႈဝူၼ်ႉတႃႇမိူဝ်းၼႃႈဝၢၼ်ႈမိူင်း တႄႉတႄႉ ဝႃႈၼႆ။ တီႈမိူင်းၵိုင်ၼႆႉ...