လွင်ႈၽွမ်ႉႁူမ်ႈၼႆႉ ၽႂ်ၵေႃႈၶႂ်ႈလႆႈၶႂ်ႈမီး၊ မူႇၸုမ်းလႂ်ၵေႃႈၶႂ်ႈလႆႈၶႂ်ႈမီး၊ ဝၢၼ်ႈဢိူင်ႇဝဵင်းမိူင်းလႂ်ၵေႃႈ တိုၼ်းတေၶႂ်ႈလႆႈ ၶႂ်ႈမီးယဝ်ႉ။ လွင်ႈၽွမ်ႉႁူမ်ႈၼႆႉ ၵိူတ်ႇပဵၼ်ဢဵၼ်ႁႅင်း၊ မီးတီႈလႂ်ၵေႃႈ တီႈၼၼ်ႈမီးႁႅင်း၊ တီႈၼၼ်ႈမီးလွင်ႈဢွင်ႇမၢၼ် ပဵၼ်ၵၢၼ်၊ ႁဵတ်းၵၢၼ်ထိုင်တီႈထိုင်လႅၼ်၊ ႁွတ်ႈထိုင်တီႈဢဵၼ်းဢၢၼ်းယိူင်းမၢႆ၊ မီးလွင်ႈသိူဝ်းသႃႇၵတ်းယဵၼ်ယဝ်ႉ။ ၵႂၢမ်းတႆးႁဝ်းဝႃႈ-"ၽွမ်ႉၵၼ်ပဵၼ်ဢဵၼ်ႁႅင်း-ပႅင်းၵၼ်ႁဝ်းပဵၼ်ယႂ်ႇ၊ မႆႉတူၼ်ႈၼိုင်ႈဢမ်ႇပဵၼ်လူင်ၶဵဝ်- ၵူၼ်းႁိူၼ်း လဵဝ်ဢမ်ႇပဵၼ်ဝၢၼ်ႈ။ ၽွမ်ႉၵၼ်ၵိၼ်ၸင်ႇဝၢၼ် ၽွမ်ႉၵၼ်ႁၢမ်ၸင်ႇမဝ် ၽွမ်ႉၵၼ်ဢဝ်ၸင်ႇလႆႈ ၽွမ်ႉၵၼ်ၶႆႈၸင်ႇ ၶိုတ်း ၽွမ်ႉၵၼ်ပိုတ်းၸင်ႇတိူဝ်ႉ"...